Musamu wamubwete watina Luka 10:29 - Musamu Wamubwete 2013

²⁹ Ngo muyikisi mangisi mu kusaka buungu mu nde-meene, wabweese kufuula Yesu ti: «Heki mbaasi me ngo na?»

Musamu wamubwete watina Luka 10:29 ပူးပေါင်းရင်းမြစ်များ

Musamu wamubwete watina Malako 8:34

Yesu kateelaa mpuumbu baatu ha kimosi na bayiki baandi, wabaleele ti: «Mbuti muutu tiiri kunama me ku mambisa, lo katuna nyutu ya nde-meene, kanaanguna kuruwa dyaandi, na kanama me.

Musamu wamubwete watina Luka 10:36

Yesu wafuula: «Heki mu ye, mu bo batatu babo, lo na wuri mbaasi muutu wunde wabwiiri mu myooko mya bangaa-bumfuna?»

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Mukaanda kuri bari Loma 10:3

Mukwongo, babaanaa bahele kuyaaba nsungumunu ya Nzaambi, na bakwesaka kusalila nsungumunu ya bo-meene, lo bahele kuba batumuma mu nsungumunu ya Nzaambi.

Mukaanda kuri bari Loma 4:2

Mbuti Abalaami mu biyiriki kari walulukusu, lo wuri na miswa mu kuba na masiiku; ngo ka ha busu bwa Nzaambi ko.

Mukaanda kuri bari Ngalatya 3:11

Diri dya ngwanwa, kuri muutu ko wuba walulukusu ha busu bwa Nzaambi, mu Mangisi, bukuri diri dyatinu se ti: «Ngaa-kusuunguma sa kaba mwooyo mu kanyi.»

Mukaanda wa Yakobo 2:24

Lumono ti muutu wuri walulukusu mu biyiriki, nkani ka munu mu kanyi kitsu ko.