Musamu wamubwete watina Luka 10:2 - Musamu Wamubwete 2013

² Yesu waleele kuri bo ti: «Bya kutolo munsa nseke byalaka, ngo bangaamba bantele. Ngo loombee kuri ngaa-nseke, kaheeke bangaamba bakweetolo nseke yaandi.»

Musamu wamubwete watina Luka 10:2 ပူးပေါင်းရင်းမြစ်များ

Musamu wamubwete watina Matayi 20:1

«Mukwongo Kimfumu kya mayulu kyafwanikina na muutu wuri ngaa-nzo. Bu kapariri mu kipari, horiri bangaamba mu kwesala ku nseke yaandi ya bviinya.

Musamu wamubwete watina Malako 13:34

Sa dyaba bunu muutu weensi ku budyeengi, siisiri nzo yaandi, heeri lutumu kuri bisari byaandi, muutu-muutu na kisalu kyaandi, na kuri mukebi-mweelu wumutumini mu kuba naana.

Musamu wamubwete watina Malako 16:15

Nde wabaleele ti: «Yendee mu nsi yansiina, lweyaabisa Musamu Wamubwete kuri biyiriki byobinso.

Musamu wamubwete watina Malako 16:20

Bayiki bayende mu kweyaabisa Musamu Wamubwete mwomunso. Mfumu waba kwesala na bo, na kwetswiikisa maampu mu bidiimbu.]

Musamu wamubwete watina Luka 9:1

Yesu wakutukisa bo kuumi na boolo, wabaha mpinu na lutumu ha yulu mampeeve momanso mamabi, na mu kwebuka mabeeru,

Biyiriki bya Bantumu 11:19

Hango babo babatsyamikisa mu nwanusunu yanata lufwa lwa Estefano, bayookolo natee ku Foyiniki, ku Kiporo, na ku Antyoke, kwahele kuyikisa maampu kuri muutu, mbuti ka kunu ku Bayudayo.

Biyiriki bya Bantumu 13:2

Bu baba mu kusaambila Mfumu, na baba bakoto loomi, Mpeeve Yangisi yabaleele bumabu ti: "Nsuusuleenu ha luteke Barnaba na Sawulo mu ntoono kisalu ki nyabateeriri mbila.

Biyiriki bya Bantumu 13:4

Mpeeve Yangisi bu kabasindika, bo basunduka ku Selekeya, haho bayende ku nsi ya Kiporo.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 22:21

Nde wandeele ti: "Yende, bukuri me sa nyakuheeke kuri makaanda mari ku la!"»

Biyiriki bya Bantumu 8:4

Bobanso baba tsyamikisi bayaabisa Musamu Wamubwete mu baba kweyendaana.

1 Kol 12:28

Mu dibuundu, Nzaambi bakasuusiri, dyatete bantumu, dyamoolo babikiri, dyamatatu bayikisi, tumi bangaa-bimaangu, bari na bikabu bya kutsinikisa babeeru, bya kubakisa baatu, bya kutwaalisa, bya mandiinga ma bitsuumbu-bitsuumbu.

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Filipo 2:21

Bobanso kwenama misamu mini mya bo-meene, nkani ka mya Yesu Kiristo ko.

Mukaanda kuri bari Filipo 2:25

Ngo me nyamwii ti diri mufunu, mu kubvutula Epaforodito kuri beenu, mpaangi na mbaasi yaami ya kisalu na ya binwaanunu, ntumu yi lwampeekiri mu kumbakisa,

Mukaanda kuri bari Filipo 2:30

bukuri mu kisalu kya Kiristo, nde kakokosirye bebele na lufwa, na kakotisirye kidziingu kyaandi mu mpasi, mpisi kasalila me, ha kibeendu kya beenu.

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

1 Tes 2:9

Mukwongo, baambukeenu mwooyo, bampaangi, mu kisalu kya makwa na mpasi dza beetu: beetu twaluyikisa Musamu Wamubwete wa Nzaambi, mu kwesala butsuku na mwiini, mpisi heki ti mosi mu beenu kahele kutubuungula.

1 Tes 5:12

Bampaangi, beetu tululoombo mu kwebvumina babo bari mu kwesala ha kakati dya beenu, bakwelutwaalisa mu Mfumu na bakwelulubula.

2 Tes 3:1

Mu misiiri, bampaangi, saambileenu mu beetu, mpisi heki maampu ma Mfumu maba mayabakana na maba makeembele bunu bu mari kuri beenu.

1 Tim 4:10

Mukwongo, mbuti turi mu kwebama na kwenwaana, lo bukuri twasa nsiitu mu Nzaambi yamwooyo, yiri mubvuukisi baatu bobanso, mbiki ti bari na kanyi.

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

Film 1:1

Me Pawulo, boroko dya Kiristo Yesu, na mpaangi Timoteho, kuri Filemone, mbaasi yeetu ya mutima na ya kisalu,

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Nyabusulu ya Yowane 2:1

Tina kuri mbasi ya dibuundu dya Efeso: «Wakwaata bambwetete nsaamu mu kooko kwaandi kwa lubakala, wuri mu kweyende hansa bitetukulu nsaamu bya miinda byawoolo, mimami kari mu kuleele: