Musamu wamubwete watina Luka 10:11 - Musamu Wamubwete 2013

¹¹ «Na fuunda dya bvula diri mu bitaambi byeetu, tulukubukila. Ngo yaabeenu ti Kimfumu kya Nzaambi kikokisiri.

Musamu wamubwete watina Luka 10:11 ပူးပေါင်းရင်းမြစ်များ

Musamu wamubwete watina Matayi 10:14

Mpisi wunde wuhele kulutaambula, na wuhele kuyuka maampu ma beenu, habaanaa lupala mu nzo bunu pe mu bvula didyo, kubulee fufunda dya bitaambi byeenu.

Musamu wamubwete watina Matayi 10:7

Bu lukweyende, lukwebikisa ti: "Kimfumu kya mayulu kikokisiri!"

Musamu wamubwete watina Matayi 3:2

[na] kweleele ti: «Yiingee madyeele, bukuri Kimfumu kya mayulu kikokisiri.»

Musamu wamubwete watina Malako 6:11

Ha bula bu babisiri kulutaambula na kuluywiila, bu luri mu kweende, lo kubulee fuunda diri mu miilu myeenu, mpisi kiba kimbaangi kuri bo.»

Musamu wamubwete watina Luka 10:10

Mu bvula ngo bvula di lukoto, mbuti bahele kulutaambula, bu luri mu kupala mu manzila ma dyo, leele ti:

Musamu wamubwete watina Luka 10:9

tsinikisee babeeru bari haho, na bayaabisee ti: «Kimfumu kya Nzaambi kikokisiri kuri beenu.»

Musamu wamubwete watina Luka 9:5

Babo babisa kulutaambula, lubaana lupala mu bvula didyo, lo kubulee fuunda diri mu bitaambi byeenu, mpisi kiba kimbaangi mu bubi bwa bo.»

Biyiriki bya Bantumu 13:26

Bampaangi baami, baala ba kitsuubu kya Abalaami, na babo bari ha kakati dya beenu babvumunaa Nzaambi, kuri beetu bari baheeke maampu ma mvuukulu.

Biyiriki bya Bantumu 13:40

Hango, kebeenu kweenu, ma leele babikiri yaa malutubukila ko:

Biyiriki bya Bantumu 13:46

Kasi Pawulo na Barnaba bu baba baluula mu nsiitu baleele ti: "Kuri beenu baketyee kuyikiseeti maampu ma Nzaambi; ngo mu bukuri beenu luri mu kulooso mo, na lumono mu beenu-meene ti lwahele kukuka mu kidziingu kya mantaangu momanso; mono beetu tusyeetukiri kuri bangooyi.

Biyiriki bya Bantumu 13:51

Bamaba bakubula fufunda dya bitaambi bya bo, na bayende ku Ikonyo.

Mukaanda kuri bari Loma 10:21

Ngo kuri Isaheli nde wuleele ti: «Mpisi kiluumbu, me nyalaamburi myooko myaami, kuri baatu bari na nko, na bari na tungu.»

Mukaanda kuri bari Loma 10:8

Ngo nki diri mu kuleele? «Maampu mari bebele na ye, mari munsa munwa waaku, na munsa mutima waaku.» Mamo ngo maampu ma kanyi ma turi mu kweyaabisa.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.