Musamu wamubwete watina Yowane 8:52 - Musamu Wamubwete 2013

⁵² Haho Bayudayo baleele kuri nde ti: «Mu lumalu beetu tumwayaaba ti ye wuri na mpeeve yayibi. Abalaami wafwa, babikiri se bafwa, ngo ye wuleele ti: "Mpisi wukebe Maampu, lo nde kamono mfwiilu ko mu mantaangu momanso."

Musamu wamubwete watina Yowane 8:52 ပူးပေါင်းရင်းမြစ်များ

Musamu wamubwete watina Matayi 11:18

Mukwongo, Yowane wayisa, wahele kwedya, na kwenwa, baatu baleele ti: "Nde wuri na mpeeve yayibi!"

Musamu wamubwete watina Yowane 1:19

Kimaki ngo kimbaangi kya Yowane, mu ntaangu yiri Bayudayo ba ku Yerusalemi baheekiri [kuri nde] bangaanga-nzaambi, na bisari bya Nzo-nzaambi mu kumufuula ti: «Ye na wuri?»

Musamu wamubwete watina Yowane 14:23

Yesu wabvutula, waleele kuri nde ti: «Mbuti muutu tiiri me, lo sa kakebe Maampu maami; na Taayi dyaami sa kamutya, na kuri nde sa tweende, na beetu sa twadzakala kuri nde.

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Musamu wamubwete watina Yowane 17:6

Me nyayaabisiri nkuumbu yaaku, kuri baatu ba wampeeri ba wuri wapalisa mu nsi. Bo baba ba ye, na ye wabampeeri, na bo bakebiri maampu maaku.

Musamu wamubwete watina Yowane 7:20

Mpuumbu yabvutula ti: «Ye wuri na mpeeve yayibi; na wusaka ye kudzusa?»

Musamu wamubwete watina Yowane 8:22

Bayudayo baleele ti: «Buri nyutu keki kweedzusa, bukuri wuleele ti: "Ku nyikweende me, beenu lubangusina kwiisa ko"?»

Musamu wamubwete watina Yowane 8:48

Bayudayo babvutula, baleele kuri Yesu ti: «Buri beetu twahele na buungu mu kuleele kuri ye ti, ye Musamariya wuri, na ye wuri na mpeeve yayibi?»

Musamu wamubwete watina Yowane 8:51

Ngwanwa mu ngwanwa me nyiluleele: Mbuti muutu kebiri maampu maami, lo nde kamono mfwiilu ya mibvu ngo mibvu ko.»

Musamu wamubwete watina Yowane 8:55

Beenu lwahele kumuyaaba, ngo kasi me nyimuyaari. Na mbuti me ndeeriri ti me nyahele kumuyaaba, lo me nyeki ngaa-mpya, nyafwanikina na beenu. Ngo me nyimuyaari, na nyakebe maampu maandi.

Musamu wamubwete watina Yowane 9:24

Bafarisi bateele lwadzoolo muutu waba wafwa miisu, na bamuleele ti: «Leele ngwanwa ha busu bwa Nzaambi. Beetu ngo bari tuyaari ti muutu wunde ngaa-masumu kari.»

Mukaanda kuri Bahebeleho 11:13

Bobanso babo bafwiila mu kanyi, kwahele kutaambula bitotolo bya nsiilulu, ngo kasi, babitariri ku la na bamono kiminu mu byo, bo babakuri ti banzeense bari, na bidyeengi ha butoto.

Mukaanda kuri Bahebeleho 2:9

ngo kasi tumono kuri ti, Yesu, wunde wubakuriri mu mwaa-kiteesu kibvuriri buntele, ti na kya bambasi, mu ntoono mpasi dza lufwa, nde bamulwiika lukoongolo lwa nkeembu na lwa lukiinsu, mpisi heki mu bweese bwa Nzaambi, nde kabiimba lufwa mu ntoono baatu bobanso.