Musamu wamubwete watina Yowane 8:44 - Musamu Wamubwete 2013

⁴⁴ Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Musamu wamubwete watina Yowane 8:44 ပူးပေါင်းရင်းမြစ်များ

Musamu wamubwete watina Matayi 12:34

Beenu kitsuumbu kya bampiri! Dyaburi beenu lutsiisa kudzoonso misamu myamibwete, habaana luri bababi? Bukuri mimyo midzoonsaa muutu myaluula mu mutima.

Musamu wamubwete watina Matayi 13:15

Mukwongo mutima kaanda dimadi wayeki wakuba; bo bayeki bakiindisa makutu maaku, na bayeki bakaanga miisu myaaku, mu kubata ti bee bamwiini mu miisu, bee bayukiri mu makutu maaku, na kubata ti bee babakuri mu mutima, na kuyiinga madyeele; na ti me bee nyibatsinikisi."

Musamu wamubwete watina Matayi 13:38

nseke ngo nsi; nsaangi dzadzibwete ngo baala ba Kimfumu, lukengisi ngo baala ba Ngaa-bubi,

Musamu wamubwete watina Yowane 6:70

Yesu wabvutula kuri bo ti: «Buri beenu bo kuumi na boolo, kari me nyalusoolo ko? Ngo mosi mu beenu dyabulu kari.»

Musamu wamubwete watina Yowane 7:17

Mpisi wutiiri kuyirika kutya kwa nde, lo sa kayaaba mbuti nyikusulu dzidzo dza Nzaambi, bunu pe, mu me-meene nyiri mu kwedzoonsolo.

Musamu wamubwete watina Yowane 8:38

Ma nyidzoonsolo ma nyiri nyamono kuri Taata, ngo kasi beenu, ma luyirika ma luri lwayuka kuri taayi dyeenu.»

Musamu wamubwete watina Yowane 8:41

Beenu luri mu kwesa biyiriki, bya taayi dyeenu.» Hango bo baleele kuri nde ti: «Beetu turi baala babutuka kunsa buyala ko, beetu Taayi dimosi turi na dyo, wunu Nzaambi.»

Musamu wamubwete watina Yowane 8:55

Beenu lwahele kumuyaaba, ngo kasi me nyimuyaari. Na mbuti me ndeeriri ti me nyahele kumuyaaba, lo me nyeki ngaa-mpya, nyafwanikina na beenu. Ngo me nyimuyaari, na nyakebe maampu maandi.

Biyiriki bya Bantumu 13:10

waleele ti: "Ho ye waluula mu mawunu na mu kwiibi, mwaana dyabulu, mutaatu nsungumunu, buri ye wuhoto ko mu kwetengemese ma nzila [ma] Mfumu masuunguma?

Biyiriki bya Bantumu 24:9

Bayudayo basika ti mimyo bunubwo miri.

Biyiriki bya Bantumu 5:3

Petelo waleele ti: «Ananya, mu nkya ntoono Satana kaluulusiri mutima ye, mu kuwuna Mpeeve Yangisi, na ye sweekiri ndaambu mipata mi bakiryee mu lumpaangu?

2 Kol 11:3

Ngo bunu bwaba wuna nyoko Eva mu lupyelu lwaandi, me nyibata ti bitsimi bibiya na biba la na nkulukulu na nsyemukunu ha busu bwa Kiristo.

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

2 Pet 2:4

Mukwongo, Nzaambi kasii wuungula bambasi basumukini ko, ngo wabakaangiri mu bikonyi, na wabatubiri ku lubila lwa mampimbisi, ku kari kabawuunguka mu ntoono mutsuundu.

1 Yow 1:8

Mbuti tuleeriri ti twahele na masumu, lo tuwunukunaa beetu-meene, na ngwanwa ka yiri mu beetu ko.

1 Yow 2:21

Me nyalutinini kari bukuri ti beenu lwahele kuyaaba ngwanwa ko, ngo bukuri beenu luyiyaari, na bukuri kuri mpya ti dzimosi ko, dzifumunaa kunsa ngwanwa.

1 Yow 2:4

Mpisi wunde wuleelaa ti: «Me nyayeki nyamuyaaba», ngo wahele kukebe ntumu dzaandi, lo nde ngaa-mpya, na mu nde ngwanwa yo pe.

1 Yow 3:12

Yaa tuba bunu Kayini ko, waba ngaa-bubi, na wadzusiri mpaangi yaandi. Heki mu nkya ntoono kamudzusiri? Bukuri biyiriki bya Kayini byaba byabibi, na bya mpaangi yaandi byaba byasuunguma.

1 Yow 3:15

Mpisi wunde wubelaa mpaangi yaandi, lo nde mudzusi, na beenu luyaa ti mpisi mudzusi, lo kidziingu kya mantaangu momanso kyahele kusa kikuundi mu nde.

Mukaanda Yuda 1:6

Bambasi bari basii kebe kibeendu kya bo-meene ko, ngo basisiri kikuundi kya bo-meene, nde wabawuunguka mu bikonyi bya bibvu ngo bibvu, kunsa mampimbisi, mu kiluumbu kyakinene kya mutsuundu.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.

Nyabusulu ya Yowane 9:11

Mbyaasi bo, ngo mbasi ya lubila; mu kihebeleho, «Abadoni», mu kihelene «Apolyoni.»