Musamu wamubwete watina Yowane 7:13 - Musamu Wamubwete 2013

¹³ Kuri muutu ti mosi ko, waba tsiisa kudzoonso mu nde mu bunsaalisi, mu kubata Bayudayo.

Musamu wamubwete watina Yowane 7:13 ပူးပေါင်းရင်းမြစ်များ

Musamu wamubwete watina Yowane 19:38

Ha mambisa haho, Yosefi wa ku Arimatayi, waba muyiki Yesu mu mansweeki, mu ntoono kwebata Bayudayo. Nde wayisa na waloombo kuri Pilato, mpisi kayisila nyutu Yesu. Pilato wa muha miswa, nde wayende na wayisila nyutu Yesu.

Musamu wamubwete watina Yowane 20:19

Hango, nsinsika bu yayisa, kyaba kiluumbu kyatete mu lumiingu, myeelu myaba myakaangu, haho haba bayiki, mu ntoono boomo bwa Bayudayo. Yesu wayisa, wateleme ha kakati dya bo, na waleele kuri bo ti: «Kiyeengi kuri beenu!»

Musamu wamubwete watina Yowane 3:2

Nde wayisa kumono Yesu mu butsuku, wamuleele ti: «Labi, beetu tuyaari ti ye Muyikisi wafumuna kuri Nzaambi, bukuri, kuri muutu wakuka mu kuyirika bidiimbu bi wuri mu kwesa ye ko, mbuti Nzaambi wahele kintwaari na nde.»

Musamu wamubwete watina Yowane 7:1

Ha mambisa haho, Yesu waba kwesaa budyeengi mu nsi ya Ngalili; mukwongo, nde waba wahele kutya kusa budyeengi mu nsi ya Yudaya, bukuri Bayudayo baba sakaana kumudzusa.

Musamu wamubwete watina Yowane 7:11

Bayudayo babeke kwemusaka munsa munkeembu, na baba leele ti: «Nde kuri kari?»

Musamu wamubwete watina Yowane 7:15

Haho Bayudayo bakimuka, na baleele ti: «Dyaburi muutu wumawu, kari kayaabila mimyo myatinu, bunu nde wahele kuyika?»

Musamu wamubwete watina Yowane 9:22

Taayi na nguri baleele mamo, bukuri baba bataana Bayudayo. Mukwongo, Bayudayo, baba bamwaayukusuna ti, mbuti muutu leeriri ti Yesu ngo Kiristo, lo wakupalisa mu nzo-nkutukunu.

Musamu wamubwete watina Yowane 9:34

Bo babvutula kuri nde ti: «Habaanaa ye-meene wabutukila kunsa masumu yemunso, lo wuri na mi wuyikisa beetu?» Ha bamutubiri ku mbasi.

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.