Musamu wamubwete watina Yowane 6:63 - Musamu Wamubwete 2013

⁶³ Mpeeve yikooha bumwooyo, muswinyi wahele mufunu. Maampu ma nyiluleeriri me ngo Mpeeve na kidziingu.

Musamu wamubwete watina Yowane 6:63 ပူးပေါင်းရင်းမြစ်များ

Musamu wamubwete watina Yowane 5:21

Bunu bukoofulukisaa Taayi bafwa na kubasa bamwooyo, bunubwo se Mwaana wusaana wamwooyo wunde wu katiiri.

Musamu wamubwete watina Yowane 6:68

Simoni Petelo wabvutula ti: «Mfumu, kuri na beetu tukweende? Ye wuri na maampu ma kidziingu kya bibvu ngo bibvu,

Biyiriki bya Bantumu 5:20

"Yendeenu, bu lutelemini, yikiseenu baatu munsa Nzo-nzaambi, maampu momanso ma kidziingu kimaki."

Mukaanda kuri bari Loma 10:17

Hango, kanyi difumunaa mu mi bayukaa, mi bayukaa mu maampu ma Kiristo.

Mukaanda kuri bari Loma 2:25

Mukwongo, nteendulu bubakala yiri ndaandu mbuti ye wusalilaa mangisi; ngo mbuti ye wuri musinini mangisi, lo nteendulu bubakala bwa ye yampya.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

1 Kol 15:45

Hango-nkuumbu, diri dyatinu: «Muutu watete, Adami, waba muutu wamwooyo»; ngo Adami dyansukulu, mpeeve yihaanaa bumwooyo.

Mukaanda kuri bari Ngalatya 5:25

Mbuti turi mwooyo mu Mpeeve, lo tudyaatilee se mu Mpeeve.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Ngalatya 6:15

Mukwongo, kuba wateende bubakala bunu pe kuhele kuba wateende bubakala kuri mufunu ko; ngo biri mufunu kuba kiyiriki kyamoono.

1 Tes 2:13

Hango-nkuumbu, beetu tubvutulaana matoondo kuri Nzaambi mpisi ntaangu, bukuri maampu ma Nzaambi ma luri lwayuka kuri beetu, beenu lwamataamburi, kari bunu maampu ma baatu ko, ngo bunu bu mari maampu ma Nzaambi ma ngwanwa, ma kwesala mu beenu basiilaana kanyi.

1 Tim 4:8

Mukwongo, kutsitsikila kwa nyutu, kuri mufunu mu myantele; ngo kasi kuba na kinzaambi kuri mufunu mu myominso, kuri na lusiilulu lwa kidziingu kya lumalu, na kya ku mankula.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Mukaanda kuri Bahebeleho 4:12

Mukwongo, maampu ma Nzaambi mari mwooyo, mari na mpinu, mabvuriri kutwa ti na mpisi saabala dya mabusu moolo, dipaakaa natee haambiri kiluunsi na muheebulu, biyikulu na muluku. Mafyongokinaa, ma kwetsuna muutu, na bitsimi bya mutima.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.

1 Pet 1:23

bu lwayeki lwabutuka mu mbutukulu yamoono, kari mu mumbutu wubolaa ko, ngo mu wuhelaa kubolo, mu maampu ma mwooyo ma Nzaambi mahelaa kusuka.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,