Ngo mu kuhele kubabumisa baatu makya, yende tuba lobo mu mubu. Holo nsu yatete yitoomboko, dzibula munwa waandi, sa mono mboongo. Holo dzo, na yende baha, mu ntoono ye na me.»
Yesu kayaaba ti, bo baba na nzala kumuha bifuuri, waleele kuri bo ti: «Beenu lufulusina beenu na beenu mu mimyo mi ndeeriri me ti: "Mwaa-ntaangu yantele, ka lubweese kumono me ko; mwaa-ntaangu yikimi, sa lwabweese kumono me?"
Nde wabweese kumufuula mbala yatatu ti: «Simoni, mwaana Yowane, buri ye tiiri me?» Petelo wanyoongo mu bukuri wamufuuriri mu mbala yatatu ti: «Buri ye tiiri me?» Nde wamuleele ti: «Mfumu, ye yaari myominso, ye yaari ti me nyikutiiri.» [Yesu] waleele kuri nde ti: «Buungula bimeeme bya me.
Kwahele kiyiriki ti kimosi kyahele kumonokono ha busu bwaandi, byobinso biri mpene na byayalulu ha miisu myaandi, kuri nde mbasi-tsuku tuyalimina mabuungu.
lo me sa nzusa baala ba nde wa mukyeetu. Na mabuundu momanso sa bayaaba ti, me ngo nyikengisaa bitsimi na manzala, na sa bvutula kuri muutu-muutu mu beenu, bunu buri biyiriki byaandi.»