Nde wafuula kuri bo ti: «Nki myo?» Bo bamuleele ti: «Mitariri Yesu wa ku Nadzareti, wabeeri mubikiri wampinu mu biyiriki na mu nzoonsulu, ha busu bwa Nzaambi, na ha busu bwa baatu bobanso.
Bo bamufuula ti: «Heki ye na kwaandi? Buri ye ngo Eliya?» Yowane waleele ti: «Pele, me nyiri Eliya ko! Buri ye mubikiri wuri?» Nde wabvutula ti: «Pele!»
Wa mukyeetu wamuleele ti: «Me nyaari ti Mesya wuri mu kwiisa, wunde wu bakooteelaa ti Kiristo. Ngo ntaangu yi kakwiisa nde, lo sa katuyaabisa myominso.»
Bo baleele kuri wa mukyeetu ti: «Beetu twahele kusa kanyi mu mini mi leerirye ye, ngo beetu tusa kanyi bukuri beetu-meene tuyukiryee na tuyaari ti, ngwanwa nde ngo mubvuukisi nsi.»
Yesu wabvutula kuri bo ti: «Ngwanwa mu ngwanwa me nyiluleele ti, beenu luri mu kwesaka me kari bukuri lwamwiini bidiimbu ko, ngo bukuri lwadiiri mampa na lwayukutiri.