Tumi wabaleele ti: «Mamama ngo maampu ma nyabee luleelaana, mu ntaangu yi nyabee nyakiri na beenu ti: "Myominso myatinu mu ntoono ya me, mu mangisi ma Moose, na mu babikiri natee mu mikuunga, miyelemini kweende mu mana.»
Filipo wabwaana Natanahele, wamuleele ti: «Beetu tumwiinyee wunde wuri Moose wuri, mu kudzoonsolo mu nde mu Mangisi, na mu babikiri, Yesu, mwaana Yosefi wa ku Nadzareti.»
Haho, me nyiri na kimbaangi kibvuriri bunene ti na kya Yowane; mukwongo biyiriki bya mpa Taata mu kuyirika, biyiriki bi nyiri mu kusa, bibyo bita kimbaangi mu me, ti Taata wampeeke.
Bari ku Yerusalemi na bamfumu ba bo, bamudziimbiri, na bahele kubakula maampu ma babikiri, ma bataangaa mu mpisi kiluumbu kya mpuumunu, ngo bakukisa mo, mu kumudzeengele mukanu wa lufwa.
Babo baba babvuri bitsimi bubwete ti na bari Tesalonika. Bo bataamburi maampu mu kiminu kyalaka. Mpisi kiluumbu, bo baba fyongokinaana Matinu, mu kumono kari myominso myatswiika.
Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.
kasi mu lumalu, bo bari mu musoongo mu nsi yibvuriri bubwete, haho lo ti nsi ya ku yulu. Hango-nkuumbu, Nzaambi wahele na nsoni mu bo, kuri ti bamuteele Nzaambi bo, bukuri nde wayeki wabayirikila bvula.
Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.