Musamu wamubwete watina Yowane 4:29 - Musamu Wamubwete 2013

²⁹ «Waseenu lumono, muutu mosi wuyaabisiri me myominso mi nyiri nyayirika. Kampe wunde ngo Kiristo ko?»

Musamu wamubwete watina Yowane 4:29 ပူးပေါင်းရင်းမြစ်များ

Musamu wamubwete watina Matayi 12:23

Mampuumbu momanso makimuka na maleele ti: «Buri wumawu kari mwaana Davidi ko?»

Musamu wamubwete watina Yowane 4:25

Wa mukyeetu wamuleele ti: «Me nyaari ti Mesya wuri mu kwiisa, wunde wu bakooteelaa ti Kiristo. Ngo ntaangu yi kakwiisa nde, lo sa katuyaabisa myominso.»

Musamu wamubwete watina Yowane 4:28

Wa mukyeetu kasiisa yuku dyaandi, wayende ku bvula, na waleele kuri baatu ti:

Musamu wamubwete watina Yowane 4:30

Bo bapala mu bvula, na bayende kuri nde.

Musamu wamubwete watina Yowane 4:39

Balaka bari Samariya, ba ku bvula didyo, basiiri kanyi mu Yesu, mu ntoono maampu ma wa mukyeetu wateeri kimbaangi ti: «Nde yaabisiryee me momanso ma nyiri nyayirika.»

Musamu wamubwete watina Yowane 7:26

Mono: nde wuri mu kudzoonso mu bunsaalisi, ngo bahele kumuleele ntoono ti mosi! Ngwanwa kwaandi ti bakuutu bayaari ti wu Kiristo?

Musamu wamubwete watina Yowane 7:31

Kunsa mpuumbu, baatu balaka basii kanyi mu nde na baba leelaa ti: «Mbasi-tsuku ha kwiisa Kiristo, tumi kahele kuyirika bidiimbu bibvuriri bunene na bi mwaayirika wu?»

Nyabusulu ya Yowane 22:17

Mpeeve na ntuumba ya makweele baleele ti: «Wasa!» Hemese wunde wuyuka kaleele ti: «Wasa!» Hemese wuri na mpwiisu kiisa; wunde wutiiri, kaholo maampa ma bumwooyo kwa mungengi.