Musamu wamubwete watina Yowane 3:8 - Musamu Wamubwete 2013

⁸ Kiteembu kilutaana ku kitiiri, ye wuyukaa lusuku lwaandi, ngo ye wahele kuyaaba ku kifumini, na ku kiri mu kweende. Bunubwo se buri, mu mpisi wabutuka mu Mpeeve.»

Musamu wamubwete watina Yowane 3:8 ပူးပေါင်းရင်းမြစ်များ

Musamu wamubwete watina Yowane 1:13

bahele kubutuka mu makila, mu kutya kwa muswinyi, na mu kutya kwa muutu, ngo kasi mu Nzaambi.

Musamu wamubwete watina Yowane 3:7

Yaa kimuka ko, bukuri me nyikuleeriri ti: "Luyelemini kubutuka mbutukulu yamoono."

Musamu wamubwete watina Yowane 3:9

Nikodemo wabvutula waleele kuri nde ti: «Mimyo buri butsiitsa kuyirimina?»

Biyiriki bya Bantumu 2:2

Na sisuu, kwayisa lusuku lwafumuna ku yulu, bunu kiteembu kyamakwa, kyalulusa nzo yoyinso, yi baba badzakala.

Biyiriki bya Bantumu 4:31

Bu baba mu kusaambila, kibeendu ki baba bakutukina kyatembele, na bo baluula mu Mpeeve Yangisi, na babeke kweyikisaa maampu ma Nzaambi mu nsiitu.

1 Kol 12:11

Myominso mimyo, yini Mpeeve yo yimosi na yiniyo yikwemiyirika, na yikwekabula bunu bu katiiriri kuri muutu-muutu.

1 Kol 2:11

Mukwongo, nani mu baatu yaari mya muutu, mbuti ka mpeeve ya muutu yiri mu nde-meene ko? Bunubwo se, mya Nzaambi kuri muutu wu mi yaari ko, mbuti ka Mpeeve ya Nzaambi ko.

1 Yow 2:29

Mbuti beenu luyaari ti nde wasuunguma, lo yabee se ti mpisi wunde wusalilaa nsungumunu, lo wabutuka mu nde.