Musamu wamubwete watina Yowane 3:6 - Musamu Wamubwete 2013

⁶ Kyabutuka mu muswinyi lo muswinyi kiri, na kyabutuka mu mpeeve, lo Mpeeve kiri.

Musamu wamubwete watina Yowane 3:6 ပူးပေါင်းရင်းမြစ်များ

Musamu wamubwete watina Yowane 1:13

bahele kubutuka mu makila, mu kutya kwa muswinyi, na mu kutya kwa muutu, ngo kasi mu Nzaambi.

Musamu wamubwete watina Yowane 3:7

Yaa kimuka ko, bukuri me nyikuleeriri ti: "Luyelemini kubutuka mbutukulu yamoono."

Mukaanda kuri bari Loma 7:18

Me nyaari ti mamabwe mahele mu me, bu ntiiri kuleele ti, mu muswinyi waami. Nzala kuyirika mamabwe yiri mu me, kasi nyahele kubangisina kumayirika.

Mukaanda kuri bari Loma 7:25

Matoondo kuri Nzaambi, mu Yesu Kiristo Mfumu yeetu! Hango-nkuumbu, mu nyukulu ya me-meene me nyiri nkutu ya mangisi ma Nzaambi, ngo mu muswinyi, nyiri nkutu ya mangisi ma masumu.

Mukaanda kuri bari Loma 7:5

Mukwongo, mu ntaangu yi twaba twakiri kwedyaatila mu kimuutu, mantiilu ma masumu mu nzila ya mangisi, maba kwesalaana mu binamu byeetu, mu kubuta bimbutu binata ku lufwa.

Mukaanda kuri bari Loma 8:13

Mukwongo, mbuti luri bamwooyo mu muswinyi, lo sa lwafwa; ngo kasi, mbuti mu Mpeeve, lo ludzusiri biyiriki bya kimuutu, na sa lwaba bamwooyo.

1 Kol 6:17

Ngo wunde wubvuutini na Mfumu, lo beki kiluunsi kimosi.

2 Kol 5:17

Hango-nkuumbu, mbuti muutu wuri mu Kiristo, lo nde kiyiriki kyamoono; byabikulu byayeki byaluta, byamoono byayiingina.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri bari Kolosayi 2:11

Mu nde se, beenu bari baluteende bubakala, mu nteendulu yahele kuba ya myooko mya baatu, ya nyubukulu nyutu ya muswinyi, ngo mu nteendulu ya Kiristo.

1 Yow 3:9

Mpisi wunde wabutuka kuri Nzaambi kayirikaa masumu ko, bukuri mumbutu Nzaambi wasa kikuundi mu nde. Nde ka katsiitsa kuyirika masumu ko, bukuri wabutuka kuri Nzaambi.