Musamu wamubwete watina Yowane 3:19 - Musamu Wamubwete 2013

¹⁹ Mutsuundu wunde wuri bumabu: buungi bwayisa mu nsi, ngo baatu babvuriri kutya mampimbisi ti na buungi; bukuri biyiriki bya bo byaba byabibi.

Musamu wamubwete watina Yowane 3:19 ပူးပေါင်းရင်းမြစ်များ

Musamu wamubwete watina Luka 12:47

«Kisari kimwaayaaba kutya kwa mfumu yaandi, ngo wahele kuyirima, bunu pe wahele kusa bunu buri kutya kwa nde, lo sa bamusyooso nkwaasulu dzalaka.

Musamu wamubwete watina Luka 16:14

Bafarisi batiiri mboongo, baba yukaa momanso mamo, na basiila Yesu munsiku.

Musamu wamubwete watina Yowane 1:4

Mu mo mwaba kidziingu, na kidziingu kyaba buungi bwa baatu;

Musamu wamubwete watina Yowane 1:5

buungi bwaseme kunsa mampimbisi, ngo mampimbisi masii taambula bwo ko.

Musamu wamubwete watina Yowane 12:31

Mu lumalu, nsundusulu ya nsi yeki; mu lumalu, mfumu ya nsi yimayi sa bamutuba ku mbasi;

Musamu wamubwete watina Yowane 12:43

Bukuri bo babvuriri kutya munkeembu wa baatu ti na munkeembu wa Nzaambi.

Musamu wamubwete watina Yowane 12:46

Me ngo buungi, nyayisa ha nsi, mu kuri ti mpisi wunde wusa kanyi mu me, kahele kunamitina kuba ku mampimbisi.

Musamu wamubwete watina Yowane 5:44

Habaana beenu, nkeembu kutaambula yi lukwehelesene beenu na beenu, ngo lwahele kusaka nkeembu yifumunaa kuri Nzaambi yomosi, lo dyaburi beenu lutsiisa kusa kanyi?

Musamu wamubwete watina Yowane 7:17

Mpisi wutiiri kuyirika kutya kwa nde, lo sa kayaaba mbuti nyikusulu dzidzo dza Nzaambi, bunu pe, mu me-meene nyiri mu kwedzoonsolo.

Musamu wamubwete watina Yowane 7:7

Nsi lo, yibele beenu ko, ngo kasi me lo yimbele, bukuri me nyiri mu kuta kimbaangi ti, biyiriki byaandi byabibi.

Musamu wamubwete watina Yowane 8:12

Haho Yesu wabweese kudzoonso kuri bo waleele ti: «Me ngo buungi bwa nsi, wunde wunama me, kari ndyaatila kunsa mampimbisi ko, ngo sa kabaka buungi bwa kidziingu.»

Musamu wamubwete watina Yowane 9:5

Mu ntaangu yiri me nyiri ha nsi, lo me buungi bwa nsi.»

Mukaanda kuri bari Loma 1:32

Bo bayaari mukesu wa Nzaambi, ti bayirikaa ma bubwo lo bayelemeni kubadzusa; ngo kasi kari kunu kuyirika bari mu kumiyirika ko, ngo bari mu kwesyaamisa se baatu bakwemiyirika.

Mukaanda kuri bari Loma 2:8

Sa kasoongo nkesi na kabala kuri bakaka, mu ntoono tungu na bukuri bahele kutumuma kuri ngwanwa, kasi batumuma mu mya bubayi.

2 Tes 2:12

Mpisi heki, bobanso bahele kusa kanyi mu ngwanwa, ngo bamono kiminu mu bubayi, baba batsuundisa.

1 Pet 2:8

Na dyeki: «Tari dya mbumukunu makya, na dya mbwiilulu makubu.» Bo bari mu kubuminaa makya mu dyo, bukuri bahele kusa kanyi mu maampu, na mu bubwo bari babataasila.

2 Pet 3:3

Tekeseleenu kuyaaba dimadi ti, mu biluumbu byansukulu, bangaa-munsiku sa biisa na munsiku waaku, sa bedyaatila bunu buri mantiilu ma bo-meene,