Musamu wamubwete watina Yowane 20:15 - Musamu Wamubwete 2013

¹⁵ Yesu waleele kuri nde ti: «Mukyeetu, nki wuri mu kudila? Na wuri mu kwesaka?» Nde bu kaba tsima ti wunde muutu wusala kunsa dzuumbu, na waleele kuri nde ti: «Mfumu, mbuti ye wumunetyee, lo leele me ha wumusuusiryee, na me nyee muholo.»

Musamu wamubwete watina Yowane 20:15 ပူးပေါင်းရင်းမြစ်များ

Musamu wamubwete watina Matayi 12:34

Beenu kitsuumbu kya bampiri! Dyaburi beenu lutsiisa kudzoonso misamu myamibwete, habaana luri bababi? Bukuri mimyo midzoonsaa muutu myaluula mu mutima.

Musamu wamubwete watina Matayi 28:5

Mbasi yabaangula mbeembu, yaleele kuri bakyeetu ti: «Beenu yaa luba na boomo ko, bukuri me nyaari ti, beenu luri mu kwesaka, Yesu wubakomini.

Musamu wamubwete watina Malako 16:6

Munkuula wunde wabaleele ti: «Yaa luba na boomo ko; beenu lukwesaka Yesu, wa ku Nadzareti, wu babee komono; fulukiryeenu, kasiiryee ha ko; monee ha babee basuusa nyutu yaandi.

Musamu wamubwete watina Luka 2:44

Bo baba kutsima ti kampe wuri munsa mpuumbu. Bo badyaata kiluumbu kyakitsiina mu nzila, na babaandika kwemusaka kuri ba bari mu kaanda, na kuri ba bari bayabisina.

Musamu wamubwete watina Luka 24:5

Babwiilikila kinkuuka, na bayilimisa mabusu mu nsi. Babakala babo babaleele ti: «Buri luri mu kwesaka muutu wamwooyo ha kakati dya bafwa?

Musamu wamubwete watina Yowane 1:38

Yesu kasyeetekaana, wubamwiini bari mu kwemunama, waleele kuri bo ti: «Nki luri mu kwesaka?» Bo baleele kuri nde ti: «Labi, mbangukulu ti, Muyikisi, kuri ye wuri mu kudzakala?»

Musamu wamubwete watina Yowane 18:4

Hango Yesu, bu kaba kayaari momanso mamutubukila, nde wapala na waleele kuri bo ti: «Na luri mu kwesaka?»

Musamu wamubwete watina Yowane 18:7

Yesu wabweese kubafuula ti: «Na luri mu kwesaka?» Bo babvutula ti: «Yesu wa ku Nadzareti».

Musamu wamubwete watina Yowane 20:13

Bo baleele kuri nde ti: «Mukyeetu, buri wuri mu kudila?» Nde wabvutula kuri bo ti: «Bo bahoridyee Mfumu yaami, na me nyahele kuyaaba ku bamusuusiryee.»