Hango, ha lutumu mpisi heki bakebe mampeembe natee mu biluumbu bitatu, mu kubata kuri ti bayiki baandi, bakwiisa kumuyiba, na kuleele kuri baatu ti: "Nde fulukiryee mu bafwa." Nzimbusulu yampotulu yiyo sa yibvula bubi ti na yatete.»
Na mono ntembukulu ya butoto yayinene yabwa. Mukwongo, mbasi Mfumu yanangukina ku yulu yasunduka. Bu yakokosolo, yanengemene tari ha luteke na wadzakala ha yulu dyo.
Ha mambisa ma biluumbu mpoomo, bayiki baandi baba mukati, Toma se waba kintwaari na bo. Myeelu myakaangu, Yesu wayisa, wateleme ha kakati, na waleele ti: «Kiyeengi kuri beenu.»
Kiluumbu kyatete kya lumiingu, bu twabvuutuna mu kubukunu mpa, Pawulo waba dzoonsaana na babo, bukuri waba kweende mu kiluumbu kyaba nama, nde wanonono luyolo natee mu kakati dya butsuku.
Mpisi kya lumiingu, muutu-muutu mu beenu kawuunguka ku nzo yaandi, bibyo bi kabangusini kukebe, mpisi bahele kukiinga ku nyikwiisa me mu kutolo mboongo.