Musamu wamubwete watina Yowane 2:19 - Musamu Wamubwete 2013

¹⁹ Yesu wabvutula waleele kuri bo ti: «Tsaaminee Nzo-nzaambi yimayi, na mu biluumbu bitatu me sa mbweese kuyitelemese.»

Musamu wamubwete watina Yowane 2:19 ပူးပေါင်းရင်းမြစ်များ

Musamu wamubwete watina Matayi 12:40

Bunu bwasiiri Yona biluumbu bitatu bya mwiini, na bya butsuku mu mwooyo nsu yayinene, bumosi se Mwaana muutu sa kasa biluumbu bitatu bya mwiini na bya butsuku kusa butoto.

Musamu wamubwete watina Matayi 16:21

Kuholosono ntaangu yiyo, Yesu wabaandika mu kweyaabisa kuri bayiki baandi ti, nde yelemini kutoomboko ku Yerusalemi, na kumono mpasi dzalaka mu myooko mya bakulu ba babakala, bakuutu ba bangaanga-nzaambi na batini ba mangisi, yelemini kuba wadzusu, na mu kiluumbu kyabitatu, yelemini kuba wafuluka.

Musamu wamubwete watina Matayi 27:40

na baleele ti: «Ye mutsaamini nzo yangisi na mutuungi yo mu biluumbu bitatu, bvuuka ye-meene, mbuti ye ngo Mwaana Nzaambi [na] sunduka ha kuruwa.»

Musamu wamubwete watina Matayi 27:63

baleele ti: «Mfumu, beetu tubaambuka mwooyo ti mudziimbisi wunde, ha kabee mwooyo, waleeriri ti: "Ha mambisa ma biluumbu bitatu, me sa nyafuluka."

Musamu wamubwete watina Malako 14:58

«Beetu twayukiri wuleele ti: "Me lo nsyaamini Nzo-nzaambi yi, yatuungu mu myooko mya baatu; na kutuunga yikimi mu biluumbu bitatu, yibahele kutuunga mu myooko mya baatu."»

Musamu wamubwete watina Malako 15:29

Baba lutaa mu nzila baba mutukaana, banyingisa mitu na baleele ti: «Ye mutsaamini nzo ya ngisi na mutuungi yo mu biluumbu bitatu,

Musamu wamubwete watina Malako 8:31

Yesu wabaandika mu kubayikisa ti: «Mwaana muutu yelemini kumono mpasi dzalaka; bakulu ba babakala, bakuutu ba bangaanga-nzaambi na batini ba mangisi sa bamuyekele, na kumudzusa; na ha mambisa ma biluumbu bitatu, tumi kafuluka.»

Musamu wamubwete watina Yowane 11:25

Yesu wamuleele ti: «Me ngo mfulukulu na bumwooyo. Wunde wusiila kanyi mu me, ti hayuku wafwa, lo sa kaba mwooyo;

Musamu wamubwete watina Yowane 5:19

Yesu wabvutula kuri bo, waleele ti: «Ngwanwa mu ngwanwa, me nyiluleele ti, Mwaana kari nsiila kisalu mu nde-meene ko, mbuti ka mi kamono Taayi nyirikulu ko; bukuri mimyo mi yirikaa Taayi, Mwaana se mini myo kayirikaa.

Biyiriki bya Bantumu 2:24

Nde Nzaambi kari kafulukisa, mu kumukuula mu myaangala mya lufwa, bukuri bwaketi kuba ko ti, lufwa lumukwaata.

Biyiriki bya Bantumu 2:32

Yesu didyo, Nzaambi wamufulukisa mu bafwa, na beetu bobanso turi bambaangi ba myo.

Biyiriki bya Bantumu 3:15

Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde.

Biyiriki bya Bantumu 3:26

Kuri beenu Nzaambi katekisiri kutelemese kisari kyaandi; nde wamuheeke mu kusakumuna beenu, mpisi muutu-muutu mu beenu, kasiisa bubi bwaandi.»

Biyiriki bya Bantumu 6:14

Beetu twamuyukiri wukweleele ti, Yesu wa ku Nadzareti sa katsyaamuna Kibeendu kyangisi ki, na sa kayiinga bifu bya tusisikila Moose.

Mukaanda kuri bari Loma 4:24

Ngo kasi, mu beetu se, bari bayelemini kumono bubwo, basiilaa kanyi mu wunde wafulukisi Yesu, Mfumu yeetu, mu bafwa.

Mukaanda kuri bari Loma 6:4

Ngo beetu batudziika kintwaari na nde, mu mbotokulu mu lufwa, mpisi heki bunu bwafulukiri Kiristo mu bafwa, mu nkeembu ya Taayi, bunubwo se beetu, twedyaatila mu kidziingu kyamoono.

Mukaanda kuri bari Loma 8:11

Mbuti Mpeeve ya wunde wafulukisi Yesu mu bafwa, yadzakala mu beenu, lo wunde wafulukisi Kiristo mu bafwa, sa kaha bumwooyo kuri manyutu meenu ma mfwiilu, mu Mpeeve yaandi yadzakala mu beenu.

1 Kol 15:12

Mbuti bakweyaabisa Kiristo, lo bukuri wafuluka mu bafwa, ngo dyaburi babamosi mu beenu bakweleele ti, mfulukulu ya bafwa yiri ko?

Mukaanda kuri bari Kolosayi 2:12

Beenu baludziikiri mu mampeembe kintwaari na nde, mu mbotokulu; mu nde se, beenu bari balufukisa mu kanyi, mu mpinu dza Nzaambi wamufulukisi mu bafwa.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.