Musamu wamubwete watina Yowane 17:13 - Musamu Wamubwete 2013

¹³ Ngo kasi mu lumalu me nyiri mu kwiisa kuri ye, na nyiri mu kuleele mamo ha nsi, mpisi heki baba na kiminu kyaami, kyakuka mu bo.

Musamu wamubwete watina Yowane 17:13 ပူးပေါင်းရင်းမြစ်များ

Musamu wamubwete watina Yowane 13:3

Yesu bu kaba kayaari ti, Taata wamuyakisa byobinso mu myooko myaandi, na ti, nde wafumuna kuri Nzaambi, na kuri Nzaambi keki bvutuka,

Musamu wamubwete watina Yowane 15:11

«Me nyiluleeriri mimyo, mpisi heki kiminu kyaami kiba mu beenu, na kiminu kyeenu kiba kyakuka.

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Musamu wamubwete watina Yowane 17:11

Me nyahele bweese kuba mu nsi, ngo bo bari mu nsi, na me nyiri mu kwiisa kuri ye. Taata dyangisi, kebe bo mu mpinu dza nkuumbu yaaku, yi wuri wampa, mpisi baba mosi, bunu beetu na ye turi mosi.

Musamu wamubwete watina Yowane 3:29

Ngaa-mukasi mulumi; nduku mulumi wuri ha teke nde na wuri mu kumuywiila, wuri na kiminu mu kuyuka mbeembu mulumi. Kikyo ngo kiminu kya me kyaluula

Musamu wamubwete watina Yowane 7:33

Yesu ha kaleele ti: «Me nyakiri na beenu mu mwaa-ntaangu yantele, tumi nyeende kuri wunde wampeeke.

Biyiriki bya Bantumu 13:52

Bayiki baba baluula mu kiminu na mu Mpeeve Yangisi.

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri Bahebeleho 12:2

Tusyeetulee kisoosi kuri Yesu, mubaandiki na mukukisi kanyi, nde wuri, ha kibeendu kya kiminu ki bamusoongiri, wakuunda mpasi dza kuruwa, bu ka nyaafuna nsoni, na wadzakala ha lubakala lwa Nzaambi na lwa mboloko yaandi.

1 Yow 1:4

Beetu turi mu kutina mamama, mpisi heki kiminu kyeetu kiba kyakuka.

2 Yow 1:12

Mbee kwaandi na myalaka mya kulutinina, ngo me nsii tya kusalila kipapila na ntiinta ko, kasi nyiri na nsiitu mu kwiisa kuri beenu, na mu kudzoonsono kuri tutalisina mu miisu na miisu, mpisi heki kiminu kyeetu kiba kyakuka.