Musamu wamubwete watina Yowane 16:25 - Musamu Wamubwete 2013

²⁵ «Me nyiluleeriri myominso mimyo mu mankuma. Kilookolo kiri mu kwiisa kiri me mbweese kuludzoonsolo mu mankuma ko, ngo me sa nyaluyaabisa mi tariri Taata kwa bupwelelee.

Musamu wamubwete watina Yowane 16:25 ပူးပေါင်းရင်းမြစ်များ

Musamu wamubwete watina Malako 4:13

Yesu wabaleele ti: «Beenu lubaanaa lwahele kubakula nkuma yimayi, lo buri lusiila mu kubakula mankuma momanso makaka?

Musamu wamubwete watina Malako 4:34

Yesu waba kubadzoonsilaa munu mu mankuma. Ngo kabaanaa weki ha lumperi na bayiki baandi, lo misamu myominso wukwebaangula.

Musamu wamubwete watina Malako 8:32

Nde wadzoonso mimyo mu nsiitu. Petelo kamunataa ha lumperi, baandikiri kumuŋaŋina.

Musamu wamubwete watina Yowane 10:24

Bayudayo bamudyengekele na bamuleele ti: «Natee mu nkya ntaangu, ye wutala beetu tukwedunga? Mbuti ye ngo Kiristo, lo wutuyaabisa na pwelelee.»

Musamu wamubwete watina Yowane 10:6

Yesu wabaleele nkumu yiyo, ngo kasi bo basii kubakula ma kaba baleele ko.

Musamu wamubwete watina Yowane 16:12

«Me nyakiri na myalaka mya kululeele, ngo lubangusina kukuunda myo mu lumalu ko.

Musamu wamubwete watina Yowane 16:2

Bo sa balubingisa mu manzo-mankutukunu; na ntaangu yiri mu kwiisa yiri baatu badzusa beenu lo bubatsima ti, Nzaambi bari mu kusalila mu kiteesu kya bubwo.

Musamu wamubwete watina Yowane 16:32

Mono, kilookolo kiri mu kwiisa na kimwaatubuka, kiri sa lwaba lwatsamikisa, muutu-muutu ku nzo yaandi, na beenu sa lwasiisa me, me-kaka. Ngo me nyahele kuba me-kaka, bukuri Taata wuri kintwaari na me.

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.