Musamu wamubwete watina Yowane 16:19 - Musamu Wamubwete 2013

¹⁹ Yesu kayaaba ti, bo baba na nzala kumuha bifuuri, waleele kuri bo ti: «Beenu lufulusina beenu na beenu mu mimyo mi ndeeriri me ti: "Mwaa-ntaangu yantele, ka lubweese kumono me ko; mwaa-ntaangu yikimi, sa lwabweese kumono me?"

Musamu wamubwete watina Yowane 16:19 ပူးပေါင်းရင်းမြစ်များ

Musamu wamubwete watina Matayi 6:8

Yaa lufwanikina na bo ko; mukwongo, Taayi dyeenu yaari bi luri na nzala byo, tekekesele beenu lumuloombo.

Musamu wamubwete watina Matayi 9:4

Yesu bu kabakula bitsimi bya bo, waleele ti: «Buri luri na bitsimi byabibi kunsa mitima myeenu?

Musamu wamubwete watina Malako 9:32

Ngo kasi bo baba bahele kubakula musamu wunde; na baba bataana kumufuula.

Musamu wamubwete watina Yowane 13:33

Mwaa-baala, me nyakiri na beenu mu mwaa-ntaangu yantele. Beenu sa lwasaka me, ngo bunu bu nyabee leele kuri Bayudayo ti, ku nyikweende me, beenu lubangusina kwiisa ko; kuri beenu se bunubwo nyileele mu lumalu.

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Musamu wamubwete watina Yowane 16:16

«Mwaa-ntaangu yantele, ka lubweese kumono me ko; mwaa-ntaangu yikimi, sa lwabweese kumono me.»

Musamu wamubwete watina Yowane 16:18

Hango bo baleele ti: Bukari mu kuleele ti: "Mwaa-ntaangu yantele" lo mambangukulu ti kwe? Twahele kuyaaba mu nki kari mu kudzoonsolo.»

Musamu wamubwete watina Yowane 16:23

«Mu kiluumbu kikyo, beenu lubweese kuha me kifuuri ti mu musamu mosi ko. Ngwanwa mu ngwanwa, me nyiluleele: bibyo biluloombo kuri Taata mu nkuumbu me, sa kaluha byo.

Musamu wamubwete watina Yowane 16:26

Mu kiluumbu kikyo, beenu sa lwaloombo mu nkuumbu yaami, ngo me nyahele kululeele ti, me sa nyaloombo kuri Taata mu ntoono beenu;

Musamu wamubwete watina Yowane 16:30

Mu lumalu, beetu tuyaari ti ye yaari myominso, na wahele na nzala ti, muutu kakufuula. Mu didyo, beetu turi na kanyi ti, ye wapalila mu Nzaambi.»

Musamu wamubwete watina Yowane 21:17

Nde wabweese kumufuula mbala yatatu ti: «Simoni, mwaana Yowane, buri ye tiiri me?» Petelo wanyoongo mu bukuri wamufuuriri mu mbala yatatu ti: «Buri ye tiiri me?» Nde wamuleele ti: «Mfumu, ye yaari myominso, ye yaari ti me nyikutiiri.» [Yesu] waleele kuri nde ti: «Buungula bimeeme bya me.

Musamu wamubwete watina Yowane 6:61

Yesu bu kayaaba mu nde-meene ti bayiki baandi baba kwemunguta mu ntoono yiyo, nde waleele kuri bo ti: «Buri mamo ma lubumisini makya?

Musamu wamubwete watina Yowane 7:33

Yesu ha kaleele ti: «Me nyakiri na beenu mu mwaa-ntaangu yantele, tumi nyeende kuri wunde wampeeke.

Mukaanda kuri Bahebeleho 4:13

Kwahele kiyiriki ti kimosi kyahele kumonokono ha busu bwaandi, byobinso biri mpene na byayalulu ha miisu myaandi, kuri nde mbasi-tsuku tuyalimina mabuungu.

Nyabusulu ya Yowane 2:23

lo me sa nzusa baala ba nde wa mukyeetu. Na mabuundu momanso sa bayaaba ti, me ngo nyikengisaa bitsimi na manzala, na sa bvutula kuri muutu-muutu mu beenu, bunu buri biyiriki byaandi.»