Musamu wamubwete watina Yowane 15:19 - Musamu Wamubwete 2013

¹⁹ Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

Musamu wamubwete watina Yowane 15:19 ပူးပေါင်းရင်းမြစ်များ

Musamu wamubwete watina Matayi 10:22

Baatu bobanso sa balubele mu ntoono nkuumbu yaami. Ngo wunde wunamitini natee manunu sa kabvuuka.

Musamu wamubwete watina Matayi 24:9

Hanaho, bo sa baluyekele mu nkwamusunu, sa baludzusa na makaanda momanso sa malubele mu ntoono nkuumbu yaami.

Musamu wamubwete watina Luka 6:32

Ngo beenu lubaanaa kutya babo bakoolutyaanaa, lo mu nki balutondokolo? Bangaa-masumu se, ti batyaanaa babo bakoobatyaanaa!

Musamu wamubwete watina Yowane 13:18

Me nyahele kudzoonsolo mu beenu-banso; me nyaari ba nyiri nyasoolo; ngo kasi matinu mayelemini kweende mu mana: "Wunde wudya mpa me, wanangukina me kisiŋini kyaandi".

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 6:70

Yesu wabvutula kuri bo ti: «Buri beenu bo kuumi na boolo, kari me nyalusoolo ko? Ngo mosi mu beenu dyabulu kari.»

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Pet 4:3

Bukukiri! Bukuri mu ntaangu yaluta beenu lwayirikiri mi tiiri bangooyi, bu lwabee kwedyaatila kunsa buyala, nyiimunu, nkolulu malu, ndiilu na nwiinu bya mawaamba, na nsaambukulu-biteki yiri ntoono yayibi.

1 Yow 3:12

Yaa tuba bunu Kayini ko, waba ngaa-bubi, na wadzusiri mpaangi yaandi. Heki mu nkya ntoono kamudzusiri? Bukuri biyiriki bya Kayini byaba byabibi, na bya mpaangi yaandi byaba byasuunguma.

Nyabusulu ya Yowane 12:17

Maŋataŋo wabakila mukyeetu nkesi, na wayende mu kweesa mudziingu kuri baala ba wa mukyeetu basaala, babo bakebaa mangisi ma Nzaambi, na basimbikila kimbaangi kya Yesu.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.