Musamu wamubwete watina Yowane 15:1 - Musamu Wamubwete 2013

¹ «Me ngo bviinya dyangwanwa, na Taata ngo muhati nseke bviinya.

Musamu wamubwete watina Yowane 15:1 ပူးပေါင်းရင်းမြစ်များ

Musamu wamubwete watina Matayi 15:13

Yesu wabvutula waleele kuri bo ti: «Mpisi muti, wuri kari Taayi dyaami dya ku yulu wakuna ko, sa kaba watuubula.

Musamu wamubwete watina Matayi 20:1

«Mukwongo Kimfumu kya mayulu kyafwanikina na muutu wuri ngaa-nzo. Bu kapariri mu kipari, horiri bangaamba mu kwesala ku nseke yaandi ya bviinya.

Musamu wamubwete watina Matayi 21:33

«Yukeenu nkuma yikimi: Muutu mosi waba ngaa-nzo, wakuna nseke bviinya, wadyengesile yo mu lupaangu, wahaka bulu dya kukamukina malu, watuunga nzo yadzaangama, wayukusina na bakamuni ba bviinya na wayende ku budyeengi.

Musamu wamubwete watina Malako 12:1

Yesu wabeke kubadzoonsolo mu mankuma. Nde ti: «Muutu mosi wakuna nseke bviinya, wayidyengesele mu lumpaangu, wahaka bulu dya kukamukina malu, na watuunga nzo yadzaangama. Tumi nde Walaangisa yo kuri bakamuni ba bviinya, na wayende ku budyeengi.

Musamu wamubwete watina Luka 13:6

Yesu wabweese kuta nkuma yimayi: «Muutu mosi wakuna mungenge munsa nseke yaandi ya bviinya, ngo bu kayisa mu kusaka bimbutu mu nde wahele kubaka.

Musamu wamubwete watina Yowane 1:17

mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

Musamu wamubwete watina Yowane 1:9

Buungi bubwo bwaba bwangwanwa, buhaanaa nsyeemunu kuri mpisi muutu, bu bwiisiri ha nsi.

Musamu wamubwete watina Yowane 15:2

Nde kooyisilaa mpisi kimpaala kiri mu me, kyahele kuha bimbutu; na nde wu bweeyesaa mpisi kimpaala kiri na bimbutu, mpisi kabvula kubuta bimbutu.

Musamu wamubwete watina Yowane 6:32

Yesu waleele kuri bo ti: «Ngwanwa mu ngwanwa me nyiluleele, Moose kasii ha beenu mpa ya ku yulu ko, ngo Taayi dyaami wuha beenu mpa ya ku yulu yangwanwa.

Musamu wamubwete watina Yowane 6:55

Bukuri muswinyi waami byandya byangwanwa, na makila maami malu mangwanwa.

Mukaanda kuri bari Loma 11:17

Ngo mbuti mu muti wu bakunini, bimpaala byabimosi byatabulu, na ye wuri muti wa ku musitu, bakukwiikiri mu muti wunde, mu kuba kintwaari na bimpaala byasaala, na kutaambula maampa mafumuna mu myaansi,

1 Kol 3:9

Bukuri beetu turi bakwesala kintwaari na Nzaambi. Beenu luri nseke Nzaambi, na luri nzo ya Nzaambi.

1 Yow 2:8

Mukwongo, lutumu lwamoono me nyiri mu kulutinina; didyo diri dyangwanwa mu nde na mu beenu, bukuri mampimbisi mari mu kuluta, na buungi bwangwanwa bweki mu kuseme.