Musamu wamubwete watina Yowane 14:6 - Musamu Wamubwete 2013

⁶ Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 14:6 ပူးပေါင်းရင်းမြစ်များ

Musamu wamubwete watina Matayi 11:27

«Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 1:17

mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

Musamu wamubwete watina Yowane 1:4

Mu mo mwaba kidziingu, na kidziingu kyaba buungi bwa baatu;

Musamu wamubwete watina Yowane 10:28

Me nyiha kidziingu kyahele manunu kuri byo, byo biri mfwiilu ko kwakinkulu, na kuri muutu wubipfula mu myooko mya me ko.

Musamu wamubwete watina Yowane 10:7

Yesu wabweese kuleele ti: «Ngwanwa mu ngwanwa, me ngo mweelu bimeeme.

Musamu wamubwete watina Yowane 10:9

Me ngo mweelu: mbuti muutu kotiri mu me, lo sa kabvuuka, sa kakoto, sa kapala, na sa kabaka mbyandya.

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Musamu wamubwete watina Yowane 15:1

«Me ngo bviinya dyangwanwa, na Taata ngo muhati nseke bviinya.

Musamu wamubwete watina Yowane 18:37

Pilato waleele kuri nde ti: «Ngo ye mbyaasi wuri?» Yesu wabvutula ti: «Ye wuri mu kuleele ti me mbyaasi nyiri. Mu bubwo me nyiri nyabutuka, na mu bubwo me nyiri nyayisa ha nsi, mpisi heki me nta kimbaangi mu mitariri ngwanwa. Mpisi wunde wuri mu ngwanwa, lo wuyukaa mbeembu me.»

Musamu wamubwete watina Yowane 5:21

Bunu bukoofulukisaa Taayi bafwa na kubasa bamwooyo, bunubwo se Mwaana wusaana wamwooyo wunde wu katiiri.

Musamu wamubwete watina Yowane 6:33

Bukuri mpa ya Nzaambi, ngo yisundukaa ku yulu na yihaanaa bumwooyo kuri nsi.»

Musamu wamubwete watina Yowane 6:51

Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»

Musamu wamubwete watina Yowane 6:57

Bunu buri Taata wampeeke wuri mwooyo, na me nyiri mwooyo mu nde; bunu bubwo se wunde wudya me, sa kaba mwooyo mu me.

Musamu wamubwete watina Yowane 6:68

Simoni Petelo wabvutula ti: «Mfumu, kuri na beetu tukweende? Ye wuri na maampu ma kidziingu kya bibvu ngo bibvu,

Musamu wamubwete watina Yowane 8:32

beenu sa lwayaaba ngwanwa, na ngwanwa sa ya luha bunsaalisi.»

Musamu wamubwete watina Yowane 8:51

Ngwanwa mu ngwanwa me nyiluleele: Mbuti muutu kebiri maampu maami, lo nde kamono mfwiilu ya mibvu ngo mibvu ko.»

Biyiriki bya Bantumu 3:15

Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde.

Biyiriki bya Bantumu 4:12

Mvuukulu yahele mu mukimi; bukuri kwahele nkuumbu yikimi ha butoto, yi bari baha kuri baatu, yiri lo mu yo, beetu tubvuukiri.»

Biyiriki bya Bantumu 9:2

Nde wamuloombo mikaanda mya kwekoto mu manzo-mankutukunu mari ku bvula dya Damasiko, mu kuri ti, mbuti bweeni bamosi bari mu nzila, baba babakala bunu pe bakyeetu, lo kabankaangana, wubaneti ku Yerusalemi.

Mukaanda kuri bari Loma 15:16

mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.

Mukaanda kuri bari Loma 5:2

mu nde se turi twabaka miswa, mya kutaambula mu kanyi mu bweese bubwo, bu turi twatelemene, na turi twasiila kimweese kyeetu, mu nsiitu ya nkeembu Nzaambi.

Mukaanda kuri bari Loma 5:21

mpisi heki, bunu bwaba masumu kuri mari na lutumu mu lufwa, bunubwo se bweese buri na lutumu mu nsungumunu, mu kuha kidziingu kyahele manunu, mu Yesu Kiristo, Mfumu yeetu.

1 Kol 15:45

Hango-nkuumbu, diri dyatinu: «Muutu watete, Adami, waba muutu wamwooyo»; ngo Adami dyansukulu, mpeeve yihaanaa bumwooyo.

Mukaanda kuri bari Efeso 2:18

Bukuri mu nde, beetu turi na miswa, bamosi na bakaka, mu Mpeeve yomosi, mu kuba hari Taata.

Mukaanda kuri bari Kolosayi 2:17

Byobinso bibyo kini kifwaani kya bitotolo bikwiisa ku mankula; ngo byangwanwa biri mu Kiristo.

Mukaanda kuri bari Kolosayi 2:9

Bukuri mu nyutu ya nde, mwadzakala nduululu yoyinso ya kinzaambi,

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

Mukaanda kuri Bahebeleho 7:25

Hango-nkuumbu, nde wakuka mu kubvuukisa kwa kinkulu, babo bakookokosolaa mu nde kuri Nzaambi, bukuri nde wuri mwooyo mu mantaangu momanso, mu kusaambila mu bo.

Mukaanda kuri Bahebeleho 9:8

Mpeeve Yangisi yaba soongaana bubwo ti, nzila ya nzo yangisi yakiri kudzibula pe, bukuri musaampu watete waba wakiri wateleme.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Pet 2:4

Kokosolee kuri nde, tari dyamwooyo dyaloosu kuri baatu, ngo kasi dyasoolu na dyantalu kuri Nzaambi,

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Yow 1:8

Mbuti tuleeriri ti twahele na masumu, lo tuwunukunaa beetu-meene, na ngwanwa ka yiri mu beetu ko.

1 Yow 2:23

Mpisi wunde wutunaa Mwaana, lo kari na Taata ko. Wutaambulaa Mwaana, lo wuri na Taata se.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

1 Yow 5:6

Yesu Kiristo ngo wunde wayisiri na maampa na makila, kari na mani maampa kitsu ko, ngo na maampa na makila; Mpeeve ngo muteeri kimbaangi, bukuri Mpeeve ngo ngwanwa.

2 Yow 1:9

Mpisi wunde wuluta nyikusulu dza Kiristo, na wahele kusa kikuundi mu dzo, lo wahele na Nzaambi. Ngo wunde wasa kikuundi mu nyikusulu, lo wuri na Taata na Mwaana.

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

Nyabusulu ya Yowane 19:11

Me nyamono yulu dyadzibulu, na kavaalu dyahembeke dyapala, waba wadzakala ha yulu dyo, nkuumbu yaandi wakwiikama na wangwanwa. Nde wutsuundisaa na wunwaanaa mudziingu kunsa nsungumunu.

Nyabusulu ya Yowane 20:15

Mbuti muutu wahele na nkuumbu yatinu mu mukaanda wamwooyo, lo bamutubiri ku dyaanga dya mbaawu.

Nyabusulu ya Yowane 22:1

Mbasi yasoongo me nyari ya maampa ma mwooyo, matsyeeme bunu lumweenye, yiri mu kupala mu mboloko Nzaambi, bo na Mwaana kimeeme,

Nyabusulu ya Yowane 22:17

Mpeeve na ntuumba ya makweele baleele ti: «Wasa!» Hemese wunde wuyuka kaleele ti: «Wasa!» Hemese wuri na mpwiisu kiisa; wunde wutiiri, kaholo maampa ma bumwooyo kwa mungengi.

Nyabusulu ya Yowane 3:14

Tina kuri mbasi ya dibuundu dya ku Lahodikya: «Amene, mbaangi yakwiikama na yangwanwa, mbandukulu byobinso bya yirika Nzaambi bu kari mu kuleele:

Nyabusulu ya Yowane 3:7

Tina kuri mbasi ya dibuundu dya Filadelefya: «Wangisi, Wangwanwa, wuri na mafungula ma Davidi, kadzibulaana, wukaanga nde pe, na kakaangaana, wudzibula nde pe, bu kari mu kuleele: