Musamu wamubwete watina Yowane 14:30 - Musamu Wamubwete 2013

³⁰ Me ka nyibweese kudzoonso kwalaka na beenu ko, bukuri mutumi nsi wiisiri, ngo nde wahele na lutumu ti lumosi mu me,

Musamu wamubwete watina Yowane 14:30 ပူးပေါင်းရင်းမြစ်များ

Musamu wamubwete watina Luka 1:35

Mbasi yabvutula kuri nde ti: «Mpeeve Yangisi sa yiisa ha yulu ye, na mpinu dza Mwa-Yulu sa dzakufuka mu mposi yaandi. Hango-nkuumbu, mwaana wubutuka sa kaba wangisi, na sa bamuteele ti Mwaana Nzaambi.

Musamu wamubwete watina Luka 22:53

Mpisi kiluumbu me nyabee kwebaanaa na beenu mu Nzo-nzaambi, ngo kasi lwasii kaanga me ko. Ngo kimaki kyeki kilookolo kya beenu, na kya lutumu lwa mampimbisi.»

Musamu wamubwete watina Yowane 12:31

Mu lumalu, nsundusulu ya nsi yeki; mu lumalu, mfumu ya nsi yimayi sa bamutuba ku mbasi;

Biyiriki bya Bantumu 1:3

Nde-meene wamonikini kuri bo, kuri wamwooyo, mu bidiimbu byalaka, ha lumbisa lwa mpasi dzi kamwiini. Mu biluumbu makuumi mana, nde waba kwemonokono kuri bo, na waba kwebadzoonsolo mu mitariri Kimfumu kya Nzaambi.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 6:12

Bukuri kikiindu ki turi na kyo, kari kya kunwaanisa muswinyi na makila ko, ngo kasi kya kunwaanisa bakuutu, batumi, na bamfumu ba nsi ya mampimbisi yimayi, kya kunwaanisa mampeeve mamabi mari ku kinsongi-yulu.

Mukaanda kuri bari Kolosayi 1:13

Nde watupalisa mu lutumu lwa mampimbisi, na watunata mu Kimfumu kya Mwaana wa ntiilu yaandi.

Mukaanda kuri Bahebeleho 4:15

Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.

Mukaanda kuri Bahebeleho 7:26

Mukwongo, kuri beetu mukuutu bangaanga-nzaambi waba wayelemene ngo wabubwo. Nde wangisi, wahele na mamabi, wahele na masumu, wahaambuka na bangaa-masumu, na bamunaakisa ku nkati yulu.

1 Pet 1:19

ngo mu makila mantalu ma Kiristo, mari bunu ma mwaana kimeeme, kyahele na kipfuumi na kyahele na mpita.

1 Pet 2:22

Nde wuri kasii yirika masumu ko, na mu munwa waandi mwasii ba mawunu ko.

1 Yow 4:4

Mwaa-baala, beenu luri ba Nzaambi, na beenu lwabwiisiri babikiri bampya; bukuri wunde wuri mu beenu, bvuriri makwa na wunde wuri mu nsi.

1 Yow 5:18

Tuyaari ti mpisi wabutuka kuri Nzaambi, lo kayirikaa masumu ko, bukuri Mwaana Nzaambi wumukebaa, na Ngaa-bubi kari mbelemene nde ko.

1 Yow 5:19

Tuyaari ti beetu turi baatu ba Nzaambi, na nsi yoyinso yiri kunsa bubi.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.