Musamu wamubwete watina Yowane 14:3 - Musamu Wamubwete 2013

³ Mu ntaangu yiri me mwaa kweende na mwa kuluyirikila kibeendu, me sa nyiisa lukimi, na sa nyaluholo hateke me, mpisi heki, haho ha nyiri meenu, beenu se luba.

Musamu wamubwete watina Yowane 14:3 ပူးပေါင်းရင်းမြစ်များ

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 14:28

Beenu lwayukiri me nyaleeriri ti: "Me nyiri mu kweende, ngo sa mbweese kwiisa kuri beenu". Mbuti beenu lutiiri me, nkani lo beenu luri na kiminu bu luyaa ti me nyiri mu kweende kuri Taata, bukuri Taata bvuriri bunene na me.

Musamu wamubwete watina Yowane 14:4

Beenu luyaari nzila yiyo yinata kukwo ku nyiri mu kweende meenu.»

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

Mukaanda kuri bari Filipo 1:23

Me nyiri mu kudunga ha kakati dya manzala mo moolo: me nyiri na nzala kweende, na kuba na Kiristo, bukuri bubwo bubvuriri bubwete;

2 Tes 1:12

Bubwo, nkuumbu Mfumu yeetu Yesu, yiba yakeembese mu beenu, na beetu se tuba twakeembese mu nde, bunu buri bweese bwa Nzaambi yeetu, na bwa Mfumu Yesu Kiristo.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

Nyabusulu ya Yowane 3:21

«Wunde wuluuluka, me nsa nyamudzakisa kintwaari na me ha mboloko yaami, bunu buri me se nyalulukiri, na nyadzakala kintwaari na Taata, ha mboloko yaandi.»