Musamu wamubwete watina Yowane 14:27 - Musamu Wamubwete 2013

²⁷ «Me nyilusisikiri kiyeengi, kiyeengi kyaami me nyiluheeri; ngo kari bunu buheelaa nsi ko. Yaa lubviimfuka mitima myeene ko, na yaa luba na boomo ko.

Musamu wamubwete watina Yowane 14:27 ပူးပေါင်းရင်းမြစ်များ

Musamu wamubwete watina Matayi 10:26

«Ngo yaa lubabata ko. Bukuri kuri kyasweeku ko, kihele kuba kyamonokono; na kuri nsweeki ko, yihele kuba yayabakina

Musamu wamubwete watina Luka 1:79

mu kuha nsyeemunu kuri babo badzakala kunsa mampimbisi, na kunsa mposi ya lufwa, na mu kutwaalisa miilu myeetu mu nzila ya kiyeengi.»

Musamu wamubwete watina Luka 10:5

Mu nzo ngo nzo yi lukotiri, lo leele mbeti ti: "Kiyeengi kiba mu nzo yi!"

Musamu wamubwete watina Luka 12:4

Banduku baami, me nyileele kuri beenu ti: «Yaa lubata bari badzusaana nyutu, ha mambisa haho bahele na ki babweese kusa.

Musamu wamubwete watina Luka 2:14

«Nkeembu kuri Nzaambi kunu kinsongi-yulu, na kiyeengi ha butoto, kuri baatu ba katiiri.»

Musamu wamubwete watina Yowane 14:1

«Yaa lubviimfuka mitima myeene ko. Siilee kanyi mu Nzaambi, na siilee kanyi mu me se.

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Musamu wamubwete watina Yowane 20:19

Hango, nsinsika bu yayisa, kyaba kiluumbu kyatete mu lumiingu, myeelu myaba myakaangu, haho haba bayiki, mu ntoono boomo bwa Bayudayo. Yesu wayisa, wateleme ha kakati dya bo, na waleele kuri bo ti: «Kiyeengi kuri beenu!»

Musamu wamubwete watina Yowane 20:21

Yesu wabweese kuleele kuri bo ti: «Kiyeengi kuri beenu! Bunu bwampeekiri Taata, me se nyiluheekiri.»

Musamu wamubwete watina Yowane 20:26

Ha mambisa ma biluumbu mpoomo, bayiki baandi baba mukati, Toma se waba kintwaari na bo. Myeelu myakaangu, Yesu wayisa, wateleme ha kakati, na waleele ti: «Kiyeengi kuri beenu.»

Biyiriki bya Bantumu 10:36

Nde waheeke maampu maandi kuri baala ba Isaheli, mu kuyaabisa Musamu Wamubwete wa kiyeengi mu Yesu Kiristo, nde wuri Mfumu ya bobanso.

Biyiriki bya Bantumu 18:9

Butsuku bu mosi, Mfumu waleele mu mamono-miisu kuri Pawulo ti: "Yaa ba na boomo ko, kasi dzoonso, na yaa wura ko,

Mukaanda kuri bari Loma 1:7

Kuri banduku ba Nzaambi bobanso ba mutima, bari ku Loma, bataambula mbila mu kuba bangisi: bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Loma 5:1

Ngo twayeki twaluulukusu mu kanyi, turi kiyeengi na Nzaambi, mu Mfumu yeetu Yesu Kiristo;

Mukaanda kuri bari Loma 5:10

Mukwongo, mbuti ha twaba bataatu, Nzaambi wasuusa nyukusunu ha kakati dya nde na beetu, mu lufwa lwa Mwaana waandi, lo dyaburi tuhele kubvula kuba babvuukusu mu bumwooyo bwaandi, ha tumwaayukusuna na nde?

Mukaanda kuri bari Loma 8:6

Ndyaatulu ya muswinyi yinataa ku lufwa, ngo kasi ndyaatulu ya Mpeeve yinataa ku bumwooyo na ku kiyeengi.

1 Kol 1:3

Bweese na kiyeengi bifumunaa kuri Nzaambi taayi dyeetu, na kuri Mfumu Yesu Kiristo biba na beenu.

Mukaanda kuri bari Ngalatya 1:3

Bweese na kiyeengi, bifumunaa kuri Taayi dyeetu Nzaambi, na kuri Mfumu Yesu Kiristo, biba na beenu.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Ngalatya 6:16

Na bobanso basalila mu ngisi yiyo, kiyeengi na ngebe biba kuri bo, na kuri Isaheli dya Nzaambi.

Mukaanda kuri bari Filipo 4:7

Tumi kiyeengi kya Nzaambi kibvuriri na madyeele momanso, sa kyakebe mitima myeenu, na bitsimi byeenu mu Kiristo Yesu.

Mukaanda kuri bari Kolosayi 1:2

kuri bampaangi bangisi na bakwiikama mu Kiristo, bari ku Kolosayi, bweese na kiyeengi kuri beenu bifumunaa kuri Taayi dyeetu Nzaambi biba na beenu.

Mukaanda kuri bari Kolosayi 1:20

na mu kasa nyukusunu ya bitotolo byobinso mu nde, na mu ntoono nde. Nde wasa kiyeengi ha kakati dya bitotolo biri ha butoto na biri ku mayulu, mu makila ma mwaana waandi ha lukuruwa.

Mukaanda kuri bari Kolosayi 3:15

Hemese kiyeengi kya Kiristo, ki bari baluteelele mbila mu nyutu mosi, kituma mitima mya beenu. Beeneenu bayaari kubvutula matoondo.

2 Tes 1:2

Bweese na kiyeengi bifumini kuri Nzaambi Taayi [dyeetu], na kuri Mfumu Yesu Kiristo, biba na beenu.

2 Tes 3:16

Hemese Mfumu ya kiyeengi, nde-meene kaluha kiyeengi, mu mantaangu momanso na mu myominso. Mfumu kaba na beenu-banso.

2 Tim 1:7

Mukwongo, Nzaambi kasii kutuha mpeeve ya boomo ko, ngo ya mpinu, ya ntiilu na ya bundeembu.

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri Bahebeleho 7:2

Abalaami, kuri nde kaheeri kikuuku kyakuumi, mu byobinso bi kabakiri. Ngo mbuti mu kubaangula nkuumbu Melekisedeke, lo dyatete nde «mbyaasi ya nsungumunu» tumi se mbyaasi Saleme, haho lo ti «mbyaasi ya kiyeengi.»

Nyabusulu ya Yowane 1:4

Yowane, kuri mabuundu nsaamu mari mu nsi ya Asya: Bweese kuri beenu na kiyeengi bifumini kuri wunde wuri, waba, na wukwiisa, na kuri mampeeve nsaamu mari ha busu bwa mboloko yaandi,

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»