Musamu wamubwete watina Yowane 14:26 - Musamu Wamubwete 2013

²⁶ Muboondi, Mpeeve yangisi, yiyo mbasi-tsuku yiheeke Taata, mu nkuumbu meenu, sa kaluyikisa momanso, na sa ka lulubula momanso ma nyiri nyaluleele.»

Musamu wamubwete watina Yowane 14:26 ပူးပေါင်းရင်းမြစ်များ

Musamu wamubwete watina Matayi 1:18

Mbutukulu ya Yesu Kiristo yaba bumabu. Mariya, nguri yaandi, waba na lulelusunu lwa makweele na Yosefi. Tekesele badzakala nzo mosi, nde wabaka yimi mu mpinu dza Mpeeve Yangisi.

Musamu wamubwete watina Matayi 1:20

Bu kaba mu kwetsima mimyo, mbasi ya Mfumu yamumonokono mu ndosi, yamuleele ti: «Yosefi, mwaana Davidi, yaa ba na boomo ko mu kuholo Mariya, mukasi waaku, bukuri mwaana wubutuka mu nde, mu mpinu dza Mpeeve, wangisi.

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Musamu wamubwete watina Matayi 3:11

Me nyilubotoko mu maampa mu ntoono nyiingulu madyeele; ngo wunde wukwiisa ku mambisa ma me, bvuriri makwa na me, me nyahele kukuka mu kusyonono masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Malako 12:36

Nde-meene Davidi wadzoonso mu ntwaalusulu ya Mpeeve Yangisi waleele ti: "Mfumu waleele kuri Mfumu yaami ti: Dzakala ha lubakala lwaami, natee ku nyisuusa me bataatu baaku kunsa bitaambi byaaku."

Musamu wamubwete watina Malako 13:11

Ha balunata mu kuluyekele, yaa lutekesele kuba na boomo ko, mu mi luleele; ngo mamo ma lubaka mu kilookolo kikyo, leelee mo, bukuri kari beenu ludzoonso ko, ngo Mpeeve Yangisi.

Musamu wamubwete watina Luka 1:15

Mukwongo, nde sa kaba muutu wamunene ha busu bwa Mfumu, nde mbasi-tsuku bviinya na malu makookolaa kunwa pe. Sa kaba waluula mu Mpeeve Yangisi, kuri wakiri mu mwooyo nguri yaandi.

Musamu wamubwete watina Luka 1:35

Mbasi yabvutula kuri nde ti: «Mpeeve Yangisi sa yiisa ha yulu ye, na mpinu dza Mwa-Yulu sa dzakufuka mu mposi yaandi. Hango-nkuumbu, mwaana wubutuka sa kaba wangisi, na sa bamuteele ti Mwaana Nzaambi.

Musamu wamubwete watina Luka 1:41

Elidzabeti kamana kuyuka mboto ya muheeri Mariya, mwaana waba mu mwooyo waandi wanyiŋina, na Elidzabeti waluula mu Mpeeve Yangisi.

Musamu wamubwete watina Luka 1:67

Taayi dyaandi Dzakariya, waluula mu Mpeeve Yangisi, na wabikula waleele ti:

Musamu wamubwete watina Luka 11:13

Ngo habaanaa beenu, luri na mutima-bubi, luyaari kuha bitotolo byabibwe kuri baala beenu, lo dyaburi Taayi dya ku yulu kahele bvula kuha Mpeeve Yangisi kuri babo bamuloombo?»

Musamu wamubwete watina Luka 2:25

Ku Yerusalemi, kwaba muutu mosi nkuumbu Simehoni. Muutu wunde waba wasuunguma, na wubvuminaa Nzaambi; waba kiingaana mboondulu ya Isaheli, na Mpeeve Yangisi yaba ha yulu nde.

Musamu wamubwete watina Luka 24:49

[Mono,] nyiheeke kuri beenu bibyo byasa Taayi dyaami nsiilulu. Dzakileenu munsa bvula natee ku lutaamburi beenu mpinu dza ku yulu.»

Musamu wamubwete watina Luka 3:22

na Mpeeve Yangisi yakulumuka ha yulu nde, mu kifwaani kya beembe, na mbeembu mosi yadzoonso ku yulu ti: «Ye ngo mwaana waami wa mutima, me nyimonaa kiminu mu ye.»

Musamu wamubwete watina Yowane 1:33

Me nyaba nyahele kumuyaaba, ngo wunde wampeekiri mu kubotoko mu maampa, waleele kuri me ti: "Mbasi-tsuku wu monaana wunde wuri Mpeeve yisundukiri na yisiri kikuundi ha yulu nde, lo wunde ngo wubotoko mu Mpeeve Yangisi."

Musamu wamubwete watina Yowane 12:16

Bayiki baandi, hatete, baba bahele kubakula; ngo kasi Yesu habaanaa weki wakeembusu, haho bo babaambukiri mwooyo, ti mamo maba matinu mu nde, na bayirikiri bubwo mu nde.

Musamu wamubwete watina Yowane 14:16

na me sa nyingukila Taata, mu kuluha muboondi wakaka, mpisi heki kaba na beenu kwakinkulu.

Musamu wamubwete watina Yowane 14:25

Me nyiluleeriri mamo, mu ntaangu yi nyakiri na beenu.

Musamu wamubwete watina Yowane 15:26

«Mbasi-tsuku, dikwiisa Mukakiri wuri ku Taata, Mpeeve Yangwanwa yifumuna kuri Taata, wunyiluheeke me, nde sa kateele me kimbaangi,

Musamu wamubwete watina Yowane 16:7

Ngo me nyiluleele ngwanwa; kuri ndaandu kuri beenu ti me nyeende. Bukuri, mbuti me nyahele kweende, lo Mukariri kakwiisa kuri beenu ko. Ngo mbuti me nyeensi, lo me sa nyamuheeke kuri beenu.

Musamu wamubwete watina Yowane 2:22

Ngo nde kafulukaa mu bafwa, bayiki baandi babaambuka mwooyo mu ma kabaleele, na basa kanyi mu Matinu na mu maampu ma baleele Yesu.

Musamu wamubwete watina Yowane 20:22

Bu kaleele mamo, wafula muheebulu ha yulu bo, na waleele kuri bo ti: «Taambuleenu Mpeeve Yangisi!

Musamu wamubwete watina Yowane 6:45

Dyatinu mu babikiri ti: "Bobanso sa baba bayikusu kuri Nzaambi". Ngo mpisi wumwaayuka ma Taata, na wumwaayika ma nde, lo wiisiri kuri me.

Musamu wamubwete watina Yowane 7:39

Nde waleele mamo mu ntoono Mpeeve, yiri babo basiila kanyi mu nde sa bayitaambula. Mukwongo, Mpeeve yaba yakiri yo pe, bukuri Yesu waba wakiri wahele kuba wakeembusu.

Biyiriki bya Bantumu 1:2

natee mu kiluumbu kiri, kamana kuha, mu Mpeeve Yangisi, ntumu dzaandi, kuri bantumu babo ba kasooriri, nde wanaangunu.

Biyiriki bya Bantumu 1:4

Bu kaba mu kudya na bo, nde wabadika ti: "Yaa lusasika na Yerusalemi ko, ngo kiingileenu lusiilulu lwa Taata, lu luri lwayuka kuri meenu,

Biyiriki bya Bantumu 1:8

ngo kasi beenu sa lwataambula mpinu dzifuma kuri Mpeeve Yangisi ha yulu beenu, na sa lwaba bambaangi baami mu Yerusalemi, [mu] Yudaya dyodinso, mu Samariya, natee ku nsukulu butoto".

Biyiriki bya Bantumu 11:16

Me nyibaambuka mwooyo mu maampu ma Mfumu, bunu bu kaba leele: "Yowane wabotokiri mu maampa, ngo beenu sa lwaba lwabotoko mu Mpeeve Yangisi

Biyiriki bya Bantumu 13:2

Bu baba mu kusaambila Mfumu, na baba bakoto loomi, Mpeeve Yangisi yabaleele bumabu ti: "Nsuusuleenu ha luteke Barnaba na Sawulo mu ntoono kisalu ki nyabateeriri mbila.

Biyiriki bya Bantumu 13:4

Mpeeve Yangisi bu kabasindika, bo basunduka ku Selekeya, haho bayende ku nsi ya Kiporo.

Biyiriki bya Bantumu 15:28

Hango Mpeeve Yangisi na beetu-meene se twatsimini ti yaa tulukwiikisa bilemu bikimi ko, ha yulu bini biri mufunu.

Biyiriki bya Bantumu 15:8

Na Nzaambi wu yaari mitima mya baatu, wubateeriri kimbaangi, mu kubaha Mpeeve Yangisi, bunu bu kaheeri beetu,

Biyiriki bya Bantumu 16:6

Mpeeve Yangisi bu kabadika kuyaabisa musamu ku Asya, bo bataba nkoonsi ya Firingya na ya Ngalatya.

Biyiriki bya Bantumu 2:33

Nde wadzaangusu ha lubakala lwa Nzaambi, bu kataambula kuri Taayi, lusiilulu lwa Mpeeve Yangisi yi kari kanyaka, mamo beenu [se] luri mu kumono na kuyuka.

Biyiriki bya Bantumu 2:4

Bobanso baluula mu Mpeeve Yangisi, na bo babaandika mu kudzoonso mu mandiinga makaka, bunu bwa baheeriri Mpeeve mu kudzoonso.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 20:35

Mu myominso, me nyasoongiri kuri beenu ti, mu kusala, beenu luyelemini kubakisa bari na buyonsi, na kubaambuka mwooyo mu maampu ma Mfumu Yesu, bukuri nde-meene waleeriri ti: "Kiminu kibvuriri mu kuha ti na mu kutaambula."

Biyiriki bya Bantumu 28:25

Bu baba kuyukusuna pe bo na bo, batsamukina. Pawulo waleele dyaambu dimosi ti: «Bwabubwete, Mpeeve Yangisi yadzoonsiri mu Esaya kuri bataayi beenu,

Biyiriki bya Bantumu 5:3

Petelo waleele ti: «Ananya, mu nkya ntoono Satana kaluulusiri mutima ye, mu kuwuna Mpeeve Yangisi, na ye sweekiri ndaambu mipata mi bakiryee mu lumpaangu?

Biyiriki bya Bantumu 7:51

Beenu baatu luri bangaa-tungu, luri na mitima na makutu makaangu, beenu lutungukilaa Mpeeve Yangisi mu mantaangu momanso, bunu bwaba bataayi beenu!

Biyiriki bya Bantumu 7:55

Estefano, bu kaluula mu Mpeeve Yangisi, watala ku yulu, wamono nkeembu Nzaambi, na wamono se Yesu wateleme ha lubakala lwa Nzaambi,

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Loma 15:16

mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.

Mukaanda kuri bari Loma 5:5

Nsiitu dzadzusaa muutu nsoni ko, bukuri kuri Mpeeve Yangisi yibari batuha, yatsaamuna ntiilu ya Nzaambi mu mitima myeetu.

1 Kol 12:3

Hango-nkuumbu, me ntii kuluyaabisa ti, kuri muutu ko mu Mpeeve ya Nzaambi wuleele ti: «Yesu kabwilikila mpopi!», na kuri muutu ko wutsiitsa kuleele ti: «Yesu Mfumu!», mbuti Mpeeve Yangisi yahele kumutwaalisa.

1 Kol 6:19

Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

Mukaanda kuri bari Efeso 1:13

Mu nde, beenu luri lwayuka maampu ma ngwanwa, Musamu Wamubwete wa mvuukulu yeenu. Mu nde se, bu lwasiiriri kanyi, balusiiri kidiimbu mu Mpeeve Yangisi ya lusiilulu.

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

2 Tim 1:14

Kebe maampu mamabwete mawuunguku mu ye, kuri Mpeeve Yangisi yidzakalaa mu beetuneenu.

Mukaanda kuri Tito 3:5

nde watubvuukisa, kari mu ntoono biyiriki byansuungumunu, bi twaba twayirika ko, ngo mu ngebe dzaandi, mu muswaaka wa mbutukulu yamoono, na mu nkitukulu yamoono ya Mpeeve Yangisi.

Mukaanda kuri Bahebeleho 10:15

Mpeeve Yangisi se yiri mu kutuswikisila dyo. Nde wuleele ha mambisa haho ti:

Mukaanda kuri Bahebeleho 2:4

mu kusiingisa kimbaangi kya Nzaambi mu bidiimbu, mu bimaangu, na biyiriki bya mpinu bya bitsuumbu-bitsuumbu, na mu bikabu bya Mpeeve Yangisi, bunu buri kutya kwaandi.

Mukaanda kuri Bahebeleho 3:7

Hango-nkuumbu, bunu buleele Mpeeve Yangisi: «Lolo di, mbuti luyukiri mbeembu yaandi,

Mukaanda kuri Bahebeleho 9:8

Mpeeve Yangisi yaba soongaana bubwo ti, nzila ya nzo yangisi yakiri kudzibula pe, bukuri musaampu watete waba wakiri wateleme.

1 Pet 1:12

Babayaabisa kuri ti, dyaambu di baba kwesalilaana dyaba diri dya bo-meene ko, ngo dya beenu. Na mu lumalu bayikisi ba Musamu Wamubwete bamwaluyaabisa dyo, mu Mpeeve Yangisi yafumuna ku yulu. Bambasi se batiiri kuyaaba dyaambu didyo.

2 Pet 1:21

Mukwongo, mbikululu kari mu ntiilu ya baatu dziri dzayisa ko, ngo kasi mu ntwalusulu ya Mpeeve Yangisi, baatu bari badzoonsolo mu nkuumbu ya Nzaambi.

1 Yow 2:20

Beenu lwataambula nkilulu kuri Wangisi, na beenu bobanso luyaari.

1 Yow 2:27

Ngo beenu, nkilulu yi luri lwataambula kuri nde yasa kikuundi mu beenu, na lwahele na nzala kuri ti muutu kaluyikisa; kasi nkilulu yaandi yiri mu kuluyikisa mu momanso, na yiri yangwanwa, ka yiri yampya ko, bunu bu yiri mu kuluyikisa, seenee kikuundi mu nde.

1 Yow 5:7

Bambaangi batatu bari:

Mukaanda Yuda 1:20

Ngo beenu, banduku ba mutima, tuungumeenu beenu-mee ha yulu kanyi dyeenu dyangisi na ngisi, na saambileenu mu Mpeeve Yangisi.

Nyabusulu ya Yowane 2:11

«Wunde wuri na makutu kayuka, mamo madzoonsiri Mpeeve kuri mabuundu!» «Wuluulukiri ka kafwa lwadzoolo ko.»