Musamu wamubwete watina Yowane 14:19 - Musamu Wamubwete 2013

¹⁹ Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Musamu wamubwete watina Yowane 14:19 ပူးပေါင်းရင်းမြစ်များ

Musamu wamubwete watina Yowane 11:25

Yesu wamuleele ti: «Me ngo mfulukulu na bumwooyo. Wunde wusiila kanyi mu me, ti hayuku wafwa, lo sa kaba mwooyo;

Musamu wamubwete watina Yowane 12:35

Haho Yesu waleele kuri bo ti: «Buungi bwakiri ha kakati dya beenu, mu mwaa-ntaangu yantele. Yendee lwedyaata bu lwakiri na buungi, mpisi heki luhele kukimuka kuri lweki kunsa mampimbisi; bukuri wunde wukweyende kunsa mampimbisi wahele kuyaaba ku kakweende.

Musamu wamubwete watina Yowane 13:33

Mwaa-baala, me nyakiri na beenu mu mwaa-ntaangu yantele. Beenu sa lwasaka me, ngo bunu bu nyabee leele kuri Bayudayo ti, ku nyikweende me, beenu lubangusina kwiisa ko; kuri beenu se bunubwo nyileele mu lumalu.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 16:16

«Mwaa-ntaangu yantele, ka lubweese kumono me ko; mwaa-ntaangu yikimi, sa lwabweese kumono me.»

Musamu wamubwete watina Yowane 16:22

Hango nkuumbu, beenu mu lumalu luri na ngebe; ngo me sa nyabweese kulumono, na mitima mya beenu sa myamono kiminu; na kiminu kya beenu kuri muutu wuyisila kyo ko.»

Musamu wamubwete watina Yowane 6:40

Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»

Musamu wamubwete watina Yowane 7:33

Yesu ha kaleele ti: «Me nyakiri na beenu mu mwaa-ntaangu yantele, tumi nyeende kuri wunde wampeeke.

Musamu wamubwete watina Yowane 8:21

Yesu wabweese kuleele kuri bo ti: «Me nyiri mu kweende, na beenu sa lwasaka me, beenu sa lwafwiila kunsa masumu meenu; kukwo ku nyikweende me, beenu lubangusina kwiisa ko.»

Biyiriki bya Bantumu 10:41

ngo kari kuri baatu bobanso ko, ngo kasi kuri beetu, bambaangi bari Nzaambi watekisiri kusoolo, beetu twadiiri na twanwiini kintwaari na nde, ha mambisa ma mfulukulu yaandi mu bafwa;

Mukaanda kuri bari Loma 5:10

Mukwongo, mbuti ha twaba bataatu, Nzaambi wasuusa nyukusunu ha kakati dya nde na beetu, mu lufwa lwa Mwaana waandi, lo dyaburi tuhele kubvula kuba babvuukusu mu bumwooyo bwaandi, ha tumwaayukusuna na nde?

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

1 Kol 15:20

Ngo mu lumalu Kiristo wafuluka mu bafwa, nde ngo watete mu bafwa.

1 Kol 15:45

Hango-nkuumbu, diri dyatinu: «Muutu watete, Adami, waba muutu wamwooyo»; ngo Adami dyansukulu, mpeeve yihaanaa bumwooyo.

Mukaanda kuri Bahebeleho 7:25

Hango-nkuumbu, nde wakuka mu kubvuukisa kwa kinkulu, babo bakookokosolaa mu nde kuri Nzaambi, bukuri nde wuri mwooyo mu mantaangu momanso, mu kusaambila mu bo.

Nyabusulu ya Yowane 20:4

Me nyamono mamboloko, baba badzakala ha yulu mo, babaha lutumu lwa kutsuundisa. Nyamono se miheebulu mya baatu ba bataburi mitu, mu ntoono kimbaangi kya Yesu, na mu ntoono maampu ma Nzaambi, na babo bari basii saambila kibulu na kiteki kyaandi ko, na bari basii taambula bidiimbu mu mambuunsu na mu myooko mya bo ko. Bo bafuluka na batuma kintwaari na Kiristo mu fuunda dya mibvu.