Nde waleele mamo mu ntoono Mpeeve, yiri babo basiila kanyi mu nde sa bayitaambula. Mukwongo, Mpeeve yaba yakiri yo pe, bukuri Yesu waba wakiri wahele kuba wakeembusu.
Nzaambi ya Abalaami, [Nzaambi] ya Isaki, na [Nzaambi] ya Yakobe, Nzaambi ya bataayi beetu, keembisiri kisari kyaandi Yesu, wu lwayekiri, na wu lwatunini beenu ha busu bwa Pilato, koomosoko nde waba watsima kumupatula;
Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.
Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.
Mbuti muutu wudzoonso, lo kadzoonso bunu nde wutubula maampu ma Nzaambi; mbuti muutu wusala, lo kasalila mu makwa ma muha Nzaambi, mpisi heki mu momanso, Nzaambi kaba wakeembusu mu Yesu Kiristo, kuri nde kuri nkeembu na mpinu mu bibvu ngo bibvu! Amene.