Musamu wamubwete watina Yowane 12:42 - Musamu Wamubwete 2013

⁴² Ngo ha kakati dya bakuutu, baatu balaka basiiriri kanyi mu nde. Kasi mu ntoono Bafarisi, baba bahele kutambukila mu kubata ti, bee babapalisiri mu nzo-nkutukunu.

Musamu wamubwete watina Yowane 12:42 ပူးပေါင်းရင်းမြစ်များ

Musamu wamubwete watina Matayi 10:32

«Hango, mpisi wunde wutaambula ti nde wa me ha busu bwa baatu, lo me se sa nyataambula ti nde wa me ha busu bwa Taayi dyaami diri ku [ma] yulu;

Musamu wamubwete watina Luka 12:8

«Me nyileele kuri beenu ti, mpisi wunde wutaambula me ha busu bwa baatu, lo Mwaana muutu se sa kamutaambula, ha busu bwa bambasi ba Nzaambi.

Musamu wamubwete watina Luka 23:13

Pilato bu kakutukisa bakuutu ba bangaanga-nzaambi, bamfumu, na baatu bakaka,

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.

Musamu wamubwete watina Yowane 11:45

Balaka mu Bayudayo baba bayisa kuri Mariya, na bamwiini mya yirikiri Yesu, basiila kanyi mu nde.

Musamu wamubwete watina Yowane 12:11

bukuri, mu ntoono nde, balaka baba yitikaana Bayudayo, na kusiila kanyi mu Yesu.

Musamu wamubwete watina Yowane 16:2

Bo sa balubingisa mu manzo-mankutukunu; na ntaangu yiri mu kwiisa yiri baatu badzusa beenu lo bubatsima ti, Nzaambi bari mu kusalila mu kiteesu kya bubwo.

Musamu wamubwete watina Yowane 19:38

Ha mambisa haho, Yosefi wa ku Arimatayi, waba muyiki Yesu mu mansweeki, mu ntoono kwebata Bayudayo. Nde wayisa na waloombo kuri Pilato, mpisi kayisila nyutu Yesu. Pilato wa muha miswa, nde wayende na wayisila nyutu Yesu.

Musamu wamubwete watina Yowane 3:2

Nde wayisa kumono Yesu mu butsuku, wamuleele ti: «Labi, beetu tuyaari ti ye Muyikisi wafumuna kuri Nzaambi, bukuri, kuri muutu wakuka mu kuyirika bidiimbu bi wuri mu kwesa ye ko, mbuti Nzaambi wahele kintwaari na nde.»

Musamu wamubwete watina Yowane 7:13

Kuri muutu ti mosi ko, waba tsiisa kudzoonso mu nde mu bunsaalisi, mu kubata Bayudayo.

Musamu wamubwete watina Yowane 7:31

Kunsa mpuumbu, baatu balaka basii kanyi mu nde na baba leelaa ti: «Mbasi-tsuku ha kwiisa Kiristo, tumi kahele kuyirika bidiimbu bibvuriri bunene na bi mwaayirika wu?»

Musamu wamubwete watina Yowane 9:22

Taayi na nguri baleele mamo, bukuri baba bataana Bayudayo. Mukwongo, Bayudayo, baba bamwaayukusuna ti, mbuti muutu leeriri ti Yesu ngo Kiristo, lo wakupalisa mu nzo-nkutukunu.

Musamu wamubwete watina Yowane 9:34

Bo babvutula kuri nde ti: «Habaanaa ye-meene wabutukila kunsa masumu yemunso, lo wuri na mi wuyikisa beetu?» Ha bamutubiri ku mbasi.

Biyiriki bya Bantumu 5:41

Hango bantumu bayende kwaaku mu kiminu ha busu bwa kikuutu, bukuri bamonikini ti bo bayelemene kubama mu ntoono nkuumbu.

Mukaanda kuri bari Loma 10:10

Mukwongo, mu mutima bakoosiilaa kanyi mu kubaka nsungumunu, na mu munwa bakootambukilaa mu kubaka mvuukulu.

1 Yow 4:15

Mpisi wunde wutaambula ti Yesu Mwaana Nzaambi, lo Nzaambi wasa kikuundi mu nde, na nde wasa kikuundi mu Nzaambi.

1 Yow 4:2

Mu dimadi beenu luyaabula Mpeeve ya Nzaambi: mpisi mpeeve yitaambula ti Yesu Kiristo wayisa mu muswinyi, lo yiri ya Nzaambi;