Musamu wamubwete watina Yowane 12:41 - Musamu Wamubwete 2013

⁴¹ Esaya waleele bubwo, bukuri nde wamwiini munkeembu Yesu, na wadzoonsolo mu ntoono nde.

Musamu wamubwete watina Yowane 12:41 ပူးပေါင်းရင်းမြစ်များ

Musamu wamubwete watina Luka 24:27

Nde ha kababangukula misamu mitariri nde-meene, miri mu Matinu momanso, kubandikila Moose natee mu babikiri.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Musamu wamubwete watina Yowane 14:9

Yesu waleele kuri nde ti: «Me dzakiri na beenu mu mantaangu malaka, na ye wahele kuyaaba me, Filipo? Wunde wumono me, lo Taata kamwiini. Dyaburi ye wuleele ti: "soongo beetu Taata"?

Musamu wamubwete watina Yowane 5:39

Beenu lukwefyongokono Matina, bukuri beenu lutsima kubaka kidziingu kyahele manunu mu mo; mo ngo mari mu kuta kimbaangi mu ntoono me;

Biyiriki bya Bantumu 10:43

Babikiri bobanso bateele nde kimbaangi, mpisi wusa kanyi mu nde, sa kataambula mpemisi ya masumu mu nkuumbu yaandi."

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

1 Pet 1:11

Bo bafyongokono mu kuyaaba, mu nkya ntaangu bunu pe mu nkya kiteesu, misamu myatekisiri kubayaabisa Mpeeve ya Kiristo miyirima. Misamu mimyo mitariri mpasi dza Kiristo, na munkeembu wukwiisa ha mambisa.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.