Musamu wamubwete watina Yowane 12:26 - Musamu Wamubwete 2013

²⁶ Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 12:26 ပူးပေါင်းရင်းမြစ်များ

Musamu wamubwete watina Matayi 16:24

Hanaho, Yesu waleele kuri bayiki baandi ti: «Mbuti muutu tiiri kunama me ha mambisa, lo hemese katuna nyutu ya nde-meene, kanata kuruwa dyaandi na kanama me.

Musamu wamubwete watina Matayi 25:21

Mfumu yaandi wamuleele ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Malako 8:34

Yesu kateelaa mpuumbu baatu ha kimosi na bayiki baandi, wabaleele ti: «Mbuti muutu tiiri kunama me ku mambisa, lo katuna nyutu ya nde-meene, kanaanguna kuruwa dyaandi, na kanama me.

Musamu wamubwete watina Luka 12:37

Kiminu kuri bisari bibyo biri, Mfumu ha kakwiisa wubatangisini kuri bari naana. Mu ngwanwa me nyiluleele ti: nde sa kalwaata kinkuta kya kusalila, sa kabadzakisa mpisi badya, na sa kayooko mu kwebasiila byandya.

Musamu wamubwete watina Luka 6:46

«Bukuri nki beenu lukweteele me ti: "Mfumu, Mfumu", ngo lwahele kuyirika ma nyiluleele?

Musamu wamubwete watina Luka 9:23

Nde wabweese leele kuri bobanso ti: «Mbuti muutu tiri kunama me ha mambisa, lo katuna nyutu ya nde-meene, kenata kuruwa dyaandi mpisi kiluumbu, na kenama me.

Musamu wamubwete watina Yowane 10:27

Bimeeme bya me biyukaa mbeembu yaami, me nyibiyaari, na byo binamaa me.

Musamu wamubwete watina Yowane 13:16

Ngwanwa mu ngwanwa, me nyiluleele ti: kisari wahele kubvula bukuutu na mfumu yaandi, wu bari baheeke se wahele kubvula bukuutu na wunde wamuheeke.

Musamu wamubwete watina Yowane 14:15

«Mbuti beenu lutiiri me, lo sa lwakebe ntumu dzaami;

Musamu wamubwete watina Yowane 14:3

Mu ntaangu yiri me mwaa kweende na mwa kuluyirikila kibeendu, me sa nyiisa lukimi, na sa nyaluholo hateke me, mpisi heki, haho ha nyiri meenu, beenu se luba.

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Yowane 21:22

Yesu wabvutula kuri nde ti: «Mbuti me ntiiri ti kanamitina kuba natee ku nyikwiisa me, lo ye nki wubakila? Ye ngo wuri, nama me!»

Mukaanda kuri bari Loma 1:1

Pawulo, nkutu Yesu Kiristo, wataambula mbila mu kuba ntumu na wu bari basoolo mu ntoono Musamu Wamubwete wa Nzaambi.

Mukaanda kuri bari Loma 14:18

Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

2 Kol 5:8

Beetu twaluula mu nsiitu, na tumono kuri ti, bubvuriri bubwete mu kupala mu nyutu yimayi, na kweende mu kudzakala kuri Mfumu.

Mukaanda kuri bari Ngalatya 1:10

Mukwongo, mu lumalu, me nsalila makwa mu kuyirika ma tiiri baatu hoti ma tiiri Nzaambi? Buri haho mbweeyulu kuri baatu nyisaka? Mbuti mbee nyakiri kwesaka mbweeyulu kuri baatu, lo nketyee kuba nkutu Kiristo ko.

Mukaanda kuri bari Filipo 1:23

Me nyiri mu kudunga ha kakati dya manzala mo moolo: me nyiri na nzala kweende, na kuba na Kiristo, bukuri bubwo bubvuriri bubwete;

Mukaanda kuri bari Kolosayi 3:24

bu luyaari ti, sa lwataambula kuri Mfumu museendu ngo saala. Beenee bakwesalila Mfumu Kiristo.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

1 Yow 5:3

Mukwongo, ntiilu ya Nzaambi yiri kuri ti, tukebee ntumu dzaandi; ngo ntumu dzaandi dzahele kuleme,

Mukaanda Yuda 1:1

Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.

Nyabusulu ya Yowane 14:4

Bamaba ngo babo bari basii kusumuka mu bakyeetu ko, bukuri baba bakiri banswaasa, bamaba ngo bari mu kwenama Mwaana kimeeme kwokunso ku ka kweyende. Bamaba ngo ba bari bakuula ha kakati dya baatu, mintekesele mya Nzaambi na mya Mwaana kimeeme.