Buri ye bu tsimini ti, me lo nyahele kuyingukila taayi dyaami, mpisi nde kasuusa ha teke me, mu kilookolo ki, mikaangu mya bambasi myaluta kiteesu kya kuumi na myoolo?
Yesu kakota mu nzo, bafwa miisu bayende kuri nde, na nde waleele kuri bo ti: «Beenu lusii kanyi, ti me lo nyirikiri bubwo?» Bo babvutula kuri nde ti: «Heehe, Mfumu.»
Buri ye wahele kusiila kanyi ti me nyiri mu Taata, na Taata wuri mu me? Maampu ma nyiri mu kululeele me, me nyahele kuleele mo mu me-meene, ngo Taata wasa kikuundi mu me wuri mu kwesa biyiriki bya nde-meene.
ngo kasi wunde wunwa maampa ma nyimuha me, lo kabweese kubaka mpwiisu Maampa ko mu mantaangu momanso; ngo maampa ma nyimuha me, sa makituka mu nde kitekulu kipala maampa ma kidziingu kyahele manunu.»
«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.