Musamu wamubwete watina Yowane 1:51 - Musamu Wamubwete 2013

⁵¹ Yesu waleele kuri bo ti: «Mu ngwanwa mu ngwanwa, me nyiluleele, beenu sa lwamono yulu dyadzibulu, na bambasi ba Nzaambi batoomboko na bakulumuka ha yulu Mwaana muutu!»

Musamu wamubwete watina Yowane 1:51 ပူးပေါင်းရင်းမြစ်များ

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.

Musamu wamubwete watina Matayi 26:24

Mukwongo, Mwaana muutu wuri mu kweende, bunu bu diri dyatinu mu ntoono ya nde. Ngo kasi, kyaari kuri muutu wunde wuri nzila yi bayekekele Mwaana muutu. Bwaketi kubvulila bubwete kuri muutu wunde mu kuhele kubutuka».

Musamu wamubwete watina Matayi 3:16

Yesu na kumubotoko na kutoomboko ku nkoto; na mono, mayulu madzibuma [mu ntoono ya nde], na nde wamono Mpeeve ya Nzaambi yakulumuka, bunu beembe [na] yayisa ha yulu nde.

Musamu wamubwete watina Matayi 4:11

Haho, dyabulu wamusisa; na mono, bambasi bakokosolo na bamusalila.

Musamu wamubwete watina Matayi 8:20

Yesu waleele kuri nde ti: "Mibaku miri na miduku, na banoni ba yulu bari na madzaansa; ngo kasi Mwaana muutu wahele na ha kusuusa mutu".

Musamu wamubwete watina Matayi 9:6

Mpisi heki, beenu luyaaba ti Mwaana muutu wuri na lutumu, ha butoto mu kuhemesene masumu.» Haho nde kaleele kuri kikata ti: «Teleme, holo nkwaala yaaku, na yende ku nzo yaaku.»

Musamu wamubwete watina Malako 1:10

Mu kilookolo kinikyo, bu kaba mu kutoomboko ku nkoto, nde wamono mayulu matyaabuka, na Mpeeve yakulumuka, ha yulu nde, bunu beembe.

Musamu wamubwete watina Malako 14:62

Yesu wabvutula ti: «Me nyiri; na sa lwamono Mwaana muutu wadzakala ha Lubakala lwa Mpinu na wuri mu kwiisa mu matuti ma yulu.»

Musamu wamubwete watina Luka 2:13

Hanaho na sisuu, fundu-fundu dya mukaangu bambasi wa ku yulu dyabvutuna na mbasi yiyo, mu kudumusa ti:

Musamu wamubwete watina Luka 2:9

Mbasi mosi ya Mfumu yateleme ha mankula ma bo, na nkeembu ya Mfumu yabafuka kunsa buungi na kinkuuka kya babwiilikila.

Musamu wamubwete watina Luka 22:43

Haho, mbasi ya ku yulu yamumonokono, mu kumusyaamisa.

Musamu wamubwete watina Luka 22:69

Ngo kuholosono mu lumalu, Mwaana muutu sa kadzakala ha lubakala lwa Nzaambi-Mpuungu.»

Musamu wamubwete watina Luka 24:4

Bu baba beki bwakusiila kuyaaba pe, mono, babakala boolo balwaata binkuta bikweseme, bateleme ha busu bwa bo.

Musamu wamubwete watina Luka 3:21

Baatu bobanso bamana kutaambula mbotokulu, Yesu se bamubotoko. Bu kaba mu kusaambila, yulu dya dzibuma,

Musamu wamubwete watina Yowane 1:50

Yesu wabvutula na waleele kuri nde ti: «Bukuri me nyikuleeriri ti me nyikumwiinyee ha mposi mungenge, ngo ye siiri kanyi? Ye sa mono mabvuriri bunene ti na mamo.»

Musamu wamubwete watina Yowane 10:1

Yesu waleele ti: «Mu ngwanwa mu ngwanwa, me nyiluleele: wunde wahele kukotolo kunsa lupaangu lwa bimeeme ha mweelu, ngo nde kunwaatina ha kibeendu kikimi, lo nde ngaa-kwiibi na nde ngaa-bumfuna.

Musamu wamubwete watina Yowane 10:7

Yesu wabweese kuleele ti: «Ngwanwa mu ngwanwa, me ngo mweelu bimeeme.

Musamu wamubwete watina Yowane 13:16

Ngwanwa mu ngwanwa, me nyiluleele ti: kisari wahele kubvula bukuutu na mfumu yaandi, wu bari baheeke se wahele kubvula bukuutu na wunde wamuheeke.

Musamu wamubwete watina Yowane 13:38

Yesu wabvutula ti: «Ye lo yekiri kidziingu kya ye mu ntoono me? Mu ngwanwa mu ngwanwa, me nyikuleele ti, tekesele mulumi nsusu kakookolo, lo ye sa tuna me, mbala tatu.»

Musamu wamubwete watina Yowane 14:12

Mu ngwanwa mu ngwanwa me nyiluleeriri, wusiila kanyi mu me, nde se sa kasa biyiriki binyiri mu kwesa me. Nde sa kasa na bibvuriri ti na bimabi, bukuri me nyikweende kuri Taata,

Musamu wamubwete watina Yowane 16:20

Ngwanwa mu ngwanwa, me nyiluleeriri: beenu sa lwadila na sa lwayaya, ngo nsi bu yiba mu kiminu, beenu sa lwaba mu ngebe, ngo ngebe dzeenu sa dzakituka kiminu.

Musamu wamubwete watina Yowane 16:23

«Mu kiluumbu kikyo, beenu lubweese kuha me kifuuri ti mu musamu mosi ko. Ngwanwa mu ngwanwa, me nyiluleele: bibyo biluloombo kuri Taata mu nkuumbu me, sa kaluha byo.

Musamu wamubwete watina Yowane 21:18

Ngwanwa mu ngwanwa, me nyikuleele ti: ha waba mwaa-kituuti, ye-meene waba kwekaangaa musweele, na kweyende kunu ku tiiri; ngo mbasi-tsuku, ha wununa, sa naanguna myooko myaaku, na muutu mukimi sa kakukaanga musweele, na kwenata ye kukwo, kuri wahele kutya.»

Musamu wamubwete watina Yowane 3:3

Yesu wabvutula na waleele kuri nde ti: «Ngwanwa mu ngwanwa, me nyikuleele ti, mbuti muutu wahele kubutuka mbutukulu yamoono, lo kabangusina kumono Kimfumu kya Nzaambi ko»

Musamu wamubwete watina Yowane 3:5

Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Musamu wamubwete watina Yowane 5:19

Yesu wabvutula kuri bo, waleele ti: «Ngwanwa mu ngwanwa, me nyiluleele ti, Mwaana kari nsiila kisalu mu nde-meene ko, mbuti ka mi kamono Taayi nyirikulu ko; bukuri mimyo mi yirikaa Taayi, Mwaana se mini myo kayirikaa.

Musamu wamubwete watina Yowane 5:27

Na nde waha kuri Mwaana lutumu lwa kutsuundisa, bukuri nde ngo Mwaana muutu.

Musamu wamubwete watina Yowane 6:26

Yesu wabvutula kuri bo ti: «Ngwanwa mu ngwanwa me nyiluleele ti, beenu luri mu kwesaka me kari bukuri lwamwiini bidiimbu ko, ngo bukuri lwadiiri mampa na lwayukutiri.

Musamu wamubwete watina Yowane 6:32

Yesu waleele kuri bo ti: «Ngwanwa mu ngwanwa me nyiluleele, Moose kasii ha beenu mpa ya ku yulu ko, ngo Taayi dyaami wuha beenu mpa ya ku yulu yangwanwa.

Musamu wamubwete watina Yowane 6:47

Ngwanwa mu ngwanwa, me nyiluleele ti: wusa kanyi, lo wuri na kidziingu kyahele manunu.

Musamu wamubwete watina Yowane 6:53

Ha ngo Yesu wabvutula kuri bo ti: «Ngwanwa mu ngwanwa me nyiluleele, mbuti beenu lwahele kudya muswinyi Mwaana muutu, na lwahele kunwa makila maandi, lo lwahele kubaka kidziingu mu beenu-meene.

Musamu wamubwete watina Yowane 8:34

Yesu wabvutula kuri bo ti: «Ngwanwa mu ngwanwa, me nyiluleele, mpisi wusa masumu, lo nde weki nkutu masumu.

Musamu wamubwete watina Yowane 8:51

Ngwanwa mu ngwanwa me nyiluleele: Mbuti muutu kebiri maampu maami, lo nde kamono mfwiilu ya mibvu ngo mibvu ko.»

Musamu wamubwete watina Yowane 8:58

Yesu waleele kuri bo ti: «Mu ngwanwa mu ngwanwa me nyiluleele, tekesele Abalaami kaba, lo "me nyiri."»

Biyiriki bya Bantumu 10:11

nde wamono yulu dyadzibula na kitotolo kimosi, bunu nsaanda yayinene yaleleke mu manto mo mana, kyasunduka ha butoto,

Biyiriki bya Bantumu 7:56

waleele ti: "Mono, me nyiri mu kumono mayulu mari mwaasi, na Mwaana muutu wateleme ha lubakala lwa Nzaambi.

2 Tes 1:7

na kaha mpuumunu, kuri beenu luri mu kwemono manyoongi, na kuri beetu. Mimyo mbasi-tsuku sa myaba ha monokono Mfumu Yesu mu mayulu na bambasi ba mpinu dzaandi,

2 Tes 1:9

Bo sa bataambula maseembu ma mfukusulu yahele manunu, la na busu bwa Mfumu, na la na nkeembu ya makwa maandi,

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Mukaanda kuri Bahebeleho 1:14

Bambasi bobanso, mampeeve ma bari baheeke mu kisalu mu ntoono babo bakondolo mvuukulu.

Mukaanda Yuda 1:14

Mu bo, Enoki, wansaamu kubandikila mu Adami, kaba leele ti: «Mono, Mfumu wayisiri na fundu-fundu dya bangisi baandi,

Nyabusulu ya Yowane 19:11

Me nyamono yulu dyadzibulu, na kavaalu dyahembeke dyapala, waba wadzakala ha yulu dyo, nkuumbu yaandi wakwiikama na wangwanwa. Nde wutsuundisaa na wunwaanaa mudziingu kunsa nsungumunu.

Nyabusulu ya Yowane 4:1

Ha mambisa haho, me nyamono mweelu wadzibulu ku mayulu. Mbeembu yatete yi nyayukiri, yaba dzoonso kuri me, bunu mvumvuri, yaleele ti: «Nwaata hamaha, me nyikusoongo mamo mayirima ha lumbisa.»