Musamu wamubwete watina Yowane 1:30 - Musamu Wamubwete 2013

³⁰ Mu ntoono ya nde, me nyabee leele ti: "Kuri muutu mosi, wuri mu kwiisa ku mambisa ma me, watekisiri na me, bukuri nde waba watete na me."

Musamu wamubwete watina Yowane 1:30 ပူးပေါင်းရင်းမြစ်များ

Musamu wamubwete watina Matayi 3:11

Me nyilubotoko mu maampa mu ntoono nyiingulu madyeele; ngo wunde wukwiisa ku mambisa ma me, bvuriri makwa na me, me nyahele kukuka mu kusyonono masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Luka 3:16

Yowane wabvutula, waleele kuri bobanso ti: «Me nyilubotoko mu maampa; ngo wunde wubvuriri makwa na me, wuri mu kwiisa. Me nyahele kukuka, ti mu kunyanguna misiinga mya masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Yowane 1:15

Yowane wata kimbaangi mu nde, wabikisa, waleele ti: «Wumawu ngo wu nyabee leele me ti: "Wuri mu kwiisa ku mambisa ma me, watekisiri na me, bukuri nde waba watete na me."»

Musamu wamubwete watina Yowane 1:27

Nde wukwiisa ku mambisa ma me, ngo [me] nyahele kukuka mu kunyanguna misiinga mya masapaatu ma nde.»

Musamu wamubwete watina Yowane 1:31

«Me nyaba nyahele kumuyaaba; ngo mu kuri ti kaba wamonokono kuri Isaheli, mu didyo me nyayisiri mu kubotoko mu maampa.»

Musamu wamubwete watina Yowane 10:41

Baatu balaka bayende kuri nde, na baleele ti: «Yowane kasii yirika kidiimbu ti kimosi ko; ngo kasi momanso ma kaleeriri mu muutu wumawu mangwanwa.»