Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.
Pilato waleele kuri nde ti: «Ngo ye mbyaasi wuri?» Yesu wabvutula ti: «Ye wuri mu kuleele ti me mbyaasi nyiri. Mu bubwo me nyiri nyabutuka, na mu bubwo me nyiri nyayisa ha nsi, mpisi heki me nta kimbaangi mu mitariri ngwanwa. Mpisi wunde wuri mu ngwanwa, lo wuyukaa mbeembu me.»
Bu bakaanga laki na Pawulo, bo bayisa mu lutaangu lwalaka ku nzo yaandi. Kuri bo kayaabisa mu nteelulu kimbaangi kya Kimfumu kya Nzaambi, mu kubayukusa mu mitariri Yesu, kabandukila mu Mangisi ma Moose, natee mu babikiri, baholosonaa kipari natee nsinsika.
Mu ntaangu yaba yakutukuna baatu ku nsi yankatu, nde waba wateleme mu kuyuka myaba leelaana mbasi ku yulu mulaandu, na kutubula kuri bataayi beetu. Nde wataamburi maampu ma mwooyo, mu kuha kuri beenu.
Me bu nyiiri mu kuleele ti: lulelusunu lwa Nzaambi lu katekesele kukaanga, ka lutsiitsa kuba lwayaalu kuri Mangisi ko mayisa, ha mambisa ma nkama na makuumi matatu ma mibvu, mu kubwiisa lusiilulu.