Musamu wamubwete watina Yowane 1:14 - Musamu Wamubwete 2013

¹⁴ Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 1:14 ပူးပေါင်းရင်းမြစ်များ

Musamu wamubwete watina Matayi 1:16

Yakobe wabuta Yosefi, mulumi Mariya, maba buta Yesu wubateelaa ti Kiristo.

Musamu wamubwete watina Luka 2:11

Lolo dimadi, mu bvula dya Davidi, Mubvuukisi butukiri mu ntoono beenu. Nde ngo Kiristo Mfumu.

Musamu wamubwete watina Luka 2:7

Nde wabuta mwaana waandi wa mubakala watete. Nde wamudziinga mansaanda na wamuneŋesene munsa kidiilulu kya bibulu; bukuri bo basii baka kibeendu ko mu nzo banzeense.

Musamu wamubwete watina Luka 9:32

Hanaho, Petelo na bambaasi baandi baba beki kunsa tolo twamusundu. Ngo bu basiimbuka bamono nkeembu yaandi na baatu boolo bateleme kintwaari na nde.

Musamu wamubwete watina Yowane 1:1

Ku mbandukulu kwaba maampu, maampu maba kuri Nzaambi, na maampu maba Nzaambi.

Musamu wamubwete watina Yowane 11:40

Yesu waleele kuri nde ti: «Buri me nsii kuleelaa ko ti, mbuti ye siiri kanyi, lo ye sa wamono nkeembu Nzaambi?»

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 14:9

Yesu waleele kuri nde ti: «Me dzakiri na beenu mu mantaangu malaka, na ye wahele kuyaaba me, Filipo? Wunde wumono me, lo Taata kamwiini. Dyaburi ye wuleele ti: "soongo beetu Taata"?

Musamu wamubwete watina Yowane 17:22

Me nyabaha nkeembu yi waheeri kuri me, mpisi baba mosi, bunu bu turi beetu na ye mosi,

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Yowane 18:37

Pilato waleele kuri nde ti: «Ngo ye mbyaasi wuri?» Yesu wabvutula ti: «Ye wuri mu kuleele ti me mbyaasi nyiri. Mu bubwo me nyiri nyabutuka, na mu bubwo me nyiri nyayisa ha nsi, mpisi heki me nta kimbaangi mu mitariri ngwanwa. Mpisi wunde wuri mu ngwanwa, lo wuyukaa mbeembu me.»

Musamu wamubwete watina Yowane 2:11

Yesu bubwo kari kabandukila kuyirika bimaangu, ku Kana mu nkoonsi ya Ngalili. Nde wasoongo nkeembu yaandi, na bayiki baandi basa kanyi mu nde.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Musamu wamubwete watina Yowane 3:18

Mpisi wusa kanyi mu nde, lo wahele kuba watsuundusu; ngo kasi wuhele kusa kanyi mu nde, lo weki watsuundusu, bukuri nde wahele kusa kanyi mu nkuumbu ya Mwaana Nzaambi ndemosi.

Musamu wamubwete watina Yowane 6:51

Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»

Musamu wamubwete watina Yowane 8:32

beenu sa lwayaaba ngwanwa, na ngwanwa sa ya luha bunsaalisi.»

Biyiriki bya Bantumu 13:33

luri Nzaambi walukukisiri mu baala [ba bo] beetu, mu kufulukisa Yesu, bunu bu diri dyatinu mu mukuunga wa myoolo ti: "Ye ngo Mwaana me, bwalolo me nyi kubutiri."

Mukaanda kuri bari Loma 8:3

Mukwongo, mangisi maketi kubangisina mimyo ko, bukuri maba mahele na makwa mu ntoono muswinyi. Ngo Nzaambi bu kaheeke Mwaana waandi, mu kifwa-fwani kya muutu ngaa-masumu, mu ntoono masumu, wabwiisa masumu mu nyutu ya muswinyi,

Mukaanda kuri bari Loma 9:5

Bataayi bari, Kiristo wapalila mu bo mu muswinyi, nde wuri hayulu byobinso, Nzaambi wasakumunu mu bibvu. Amene.

1 Kol 15:47

Muutu watete wafumuna mu butoto, wa tubuumbu, waboolo wafumuna ku yulu.

2 Kol 12:9

Ngo nde wandeele ti: «Bweese bwa me bwakuka mu ye, bukuri mpinu dzaami dzimonokinaa kunsa buyonsi.» Ngo me mvuriri kutya kusa kimweese mu buyonsi bwaami, mpisi heki mpinu dza Kiristo dzidzakala mu me.

Mukaanda kuri bari Ngalatya 4:4

Ngo ntaangu bu yakuka, Nzaambi waheeke Mwaana waandi, wabutuka mu wa mukyeetu, na watumuma mu Mangisi,

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

Mukaanda kuri bari Kolosayi 1:19

Bukuri Nzaambi watiiri kudzakisa nduululu yoyinso ya kinzaambi kyaandi mu nde,

Mukaanda kuri bari Kolosayi 2:3

mu nde mwaswekeme busina bwobunso bwa madyeele, na bwa nyaabulu.

Mukaanda kuri bari Kolosayi 2:9

Bukuri mu nyutu ya nde, mwadzakala nduululu yoyinso ya kinzaambi,

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Mukaanda kuri Bahebeleho 1:5

Mukwongo, Nzaambi wahele kuleele ti kuri mosi mu bambasi ti: «Ye wuri Mwaana me, lumalu me nyikubutiri.» Na wahele bweese kuleele ti: «Me sa nyaba Taayi kuri nde, na nde sa kaba Mwaana kuri me.»

Mukaanda kuri Bahebeleho 10:5

Hango-nkuumbu, bu kayisa ha nsi nde waleele: «Ye wasii tya kuri ti bakudzusula kibulu na bakuha kikabu ko, ngo kasi ye wampa nyutu.

Mukaanda kuri Bahebeleho 2:11

Bukuri muhe bungisi, na bataamburi ba bungisi bobanso, bafumuna mu muutu mosi. Mu ntoono yiyo, nde wahele kumono nsoni mu ku bateele ti bampaangi baandi,

Mukaanda kuri Bahebeleho 5:5

Bunubwo se, Kiristo kasii holo mu nde-meene nkeembu ya kuba mukuutu bangaanga-nzaambi ko, ngo nde wayitaambula kuri wunde waleeriri ti: «Ye ngo mwaana waami, lolo di me nyikubutiri.»

1 Yow 4:14

Beetu twakengisiri na tuta kimbaangi ti Taata waheekiri Mwaana, bunu Mubvuukisi nsi.

1 Yow 4:9

Bumabu ntiilu ya Nzaambi yiri yayabakana ha kakati dya beetu: nde waheeke Mwaana waandi ndemosi mu nsi, mpisi heki tuba mwooyo mu nde.

2 Yow 1:7

Bawumuni balaka bamwaatsamukina mu nsi. Bo bahele kwetaambula ti Yesu Kiristo wayisa mu muswiini. Wunde ngo muwumuni, mutaatu-Kiristo.

Nyabusulu ya Yowane 19:13

Nde waba walwaata kiyuungu kyaluula mu makila. Nkuumbu yaandi «Maampu ma Nzaambi.»

Nyabusulu ya Yowane 21:3

Me nyayuka mbeembu yayinene yapala mu mboloko yabaleele ti: «Mono, musaampu Nzaambi weki ha kakati dya baatu! Nde sa kadzakala na bo, na bo sa baba kaanda dyaandi; na nde ha kakati dya bo, sa kaba [Nzaambi bo].