Mukaanda kuri bari Ngalatya 6:12 - Musamu Wamubwete 2013

¹² Bobanso bari na nzala-kubila mu muswinyi, batiiri kulukwiikisa kuteende bubakala, mpisi heki bahele kuba bakwaamusu mu ntoono ya kuruwa dya Kiristo.

Mukaanda kuri bari Ngalatya 6:12 ပူးပေါင်းရင်းမြစ်များ

Musamu wamubwete watina Matayi 23:27

«Kyaari kuri beenu, batini na Bafarisi, bangaa-bumpitu-bumpyoongo, bukuri beenu lwafwanikina na mampeembe makila mpeembe, mari ku mbasi mamonoko luwu, ngo kasi kukati kwaluula mu miyisi mya bafwa, na nsumukunu ya bitsuumbu-bitsuumbu.

Musamu wamubwete watina Matayi 23:28

Bwobumosi beenu-seene, ku mbasi beenu lumonoko bangaa-kusuunguma, ngo ku kati lwaluula mu bumpitu-bumpyoongo na mu bubayi.»

Musamu wamubwete watina Matayi 23:5

Biyiriki bya bo byobinso kwesa mukuri ti baatu babatala. Bo bakweyirika bisweekulu bya maampu byabinene bi bakwelwaata, na bakwenonono maheengu ma binkuta.

Musamu wamubwete watina Matayi 5:10

Kiminu kuri ba bari mu kwekwaamisa mu ntoono ya nsungumunu, bukuri Kimfumu kya mayulu kya bo!

Musamu wamubwete watina Matayi 6:16

«Habaana luri kunsa loomi, lo yaa luba na kidziri kya ngebe ko, bunu bangaa-bumpitu-bumpyoongo. Bo bakitula kidziri mpisi heki bamonokono kuri baatu ti bari kunsa loomi. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:2

Habaanaa wuha kikabu kuri bawelu, lo yaa sika mvumvuri ko ha busu bwa ye, bu koosaana bangaa-bumpitu-bumpyoongo, mu manzo mankutukunu, na mu manzila, mpisi baatu babasiika. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:5

«Habaanaa lusaambila, lo yaa luba bunu bangaa-bumpitu-bumpyoongo ko, bukuri bo batiiri kwesaambila mu mutele, mu manzo mankutukunu na mu makuumbu ma manzila, mpisi baatu beebamono. Mu ngwanwa me nyiluleele ti: bo bakootaambula museendu waaku.

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Musamu wamubwete watina Luka 20:47

Bo bakweholo bitotolo mu manzo ma bafwiila balumi, na bafuta kwesa nsaambulu dzadzila. Bo sa bataambula maseembu mabvuriri bunene.»

Musamu wamubwete watina Yowane 7:18

Wunde wudzoonsolo mu nde-meene wusaka nkeembu ya nde-meene, ngo kasi wunde wusakaa nkeembu ya wunde wamuheeke, lo wuri wangwanwa, na bubayi bwahele mu nde.

Biyiriki bya Bantumu 15:1

Bamosi banangukini ku nsi ya Yudaya, bayikisa kuri bampaangi ti: «Mbuti beenu lwahele kuteende bubakala, bunu buri kifu kya Moose, lo beenu lubvuuka ko.»

Biyiriki bya Bantumu 15:5

Bamosi bari mu kabu dya ba Bafarisi basii kanyi bateleme, baleele ti: "Buri bwayelemene ti bateende bubakala, mu kukebe mangisi ma Moose."

2 Kol 10:12

Beetu ka tutsiitsa kuba nsiisa, bunu pe kusaka nsobokoso, dzi turi na dzo na baatu bamosi, bakweha ntumunu mu bo-meene ko. Baatu babo bahele kubakula, bukuri bo bakweteese bambaasi mu kiteesulu kya bo-meene, na bakwesaka nsobokoso ha kakati dya bo-meene.

2 Kol 11:13

Bukuri baatu babo ngo bantumu bampya, bisari byamawunu, bikweswemekene mu kifwaani kya bantumu ba Kiristo.

Mukaanda kuri bari Ngalatya 2:14

Kasi me monaana ti, bahele kwedyaatila kunsa ngwanwa ya Musamu Wamubwete, me nyaleele kuri Kefa ha busu bwa bobanso ti: «Mbuti ye Muyudayo, wahele kwedyaatila bunu Muyudayo kasi bunu muutu wahele kuba Muyudayo, lo dyaburi ye wutsiitsa kukwiikisa bahele kuba Bayudayo mu kuba na mbeelu Bayudayo?»

Mukaanda kuri bari Ngalatya 2:3

Tito, Muhelene waba na me, basii kumukwiikisa kuteende bubakala ko.

Mukaanda kuri bari Ngalatya 5:11

Me ngo wuri, bampaangi, mbuti me nyakiri mu kweyikisa nteendulu bubakala, lo mu nkya ntoono bari mu kubweese kwenkwaamisa? Haho ngo hari lo, musamu kuruwa wahele kubweese kubumisa baatu makya.

Mukaanda kuri bari Ngalatya 6:13

Mukwongo, bateende bubakala bahele kubvumina Mangisi bo-meene, ngo kasi bo batiiri ti beenu luba lwateende bubakala, mpisi babilika mu manyutu ma beenu.

Mukaanda kuri bari Filipo 1:15

Bamosi bari mu kweyaabisila Kiristo mu bukwa na mu nkalikisi, ngo bakaka mu mutima-bubwete.

Mukaanda kuri bari Filipo 2:4

Mpisi muutu mu beenu yaa kasaka ndaandu yini ya nde-meene ko, ngo kasaka se ndaandu ya bambaasi.

Mukaanda kuri bari Filipo 3:18

Mukwongo, bunu bu nyaba kweluleelaana mu ntaangu ngo ntaangu, na mu lumalu se nyiluleele kunsa kidilu ti, balaka bakwedyaatila mu butaatu bwa kuruwa dya Kiristo.

Mukaanda kuri bari Kolosayi 2:23

Byobinso bibyo bisoongo madyeele mu nsambukulu, mu nkulukulu, na nkwamusunu nyutu; koomosoko byahele na ndaandu, ti hayuku biyukitisaa muswinyi.