Mukaanda kuri bari Ngalatya 6:10 - Musamu Wamubwete 2013

¹⁰ Mu didyo, ha twakiri na ntaangu, tuyirikeenu mamabwe kuri baatu bobanso, ngo bvula-bvula kuri baturi kintwaari mu kanyi.

Mukaanda kuri bari Ngalatya 6:10 ပူးပေါင်းရင်းမြစ်များ

Musamu wamubwete watina Matayi 10:25

Bwayelemene mu muyiki kuri nde se kaba bunu muyikisi, na mu kisari nde se kaba bunu mfumu. Mbuti ngaa-nzo bamuleele ti Beledzebule, lo nkya myo bahele kuleele mu badzakala mu nzo nde?»

Musamu wamubwete watina Matayi 12:50

Bukuri mpisi wunde wuyirika kutya kwa Taayi dya me diri ku mayulu, lo wunde wuri mpaangi me, kibusi kya me, na nguri me.»

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Musamu wamubwete watina Matayi 5:43

«Beenu lwayuka, dyaleelu ti: "Tya mbaasi yaaku, na bele mutaatu waaku."

Musamu wamubwete watina Malako 3:4

Yesu wafuula kuri baatu ti: «Buri kuri miswa mu kuyirika mamabwe bunu pe mamabi, mu kubvuukisa bunu pe mu kudzusa muutu, mu kiluumbu kya mpuumunu?» Ngo kasi bo baba bawura.

Musamu wamubwete watina Luka 6:35

Ngo kasi, tyeeneenu bataatu beenu, yirikeenu mamabwe na soomboseenu kwahele kitsimi kiri ti balubvutikila. Museendu weenu sa kaba wamunene, na sa lwaba baala ba Mwa-yulu, bukuri nde wuri na mutima-bubwete, kuri bari bayaari kutoondo ko, na kuri bangaa-mutima-bubi.

Musamu wamubwete watina Yowane 12:35

Haho Yesu waleele kuri bo ti: «Buungi bwakiri ha kakati dya beenu, mu mwaa-ntaangu yantele. Yendee lwedyaata bu lwakiri na buungi, mpisi heki luhele kukimuka kuri lweki kunsa mampimbisi; bukuri wunde wukweyende kunsa mampimbisi wahele kuyaaba ku kakweende.

Musamu wamubwete watina Yowane 9:4

Beetu tuyelemini kusala kisalu kya wunde wampeeke, mwiini bu kakiri; butsuku buri mu kwiisa, kuri muutu ko wubangisina kusala.

Biyiriki bya Bantumu 6:7

Maampu ma Nzaambi maba kwetsamikinana kwalaka, na lutaangu lwa bayiki lwaba kwefununa kwalaka ku Yerusalemi, na mpuumbu bisari bya mu Nzo-nzaambi yatumuma mu kanyi.

2 Kol 2:8

Hango-nkuumbu, me nyilusyaamisa mu kusoongo kimbaangi kya ntiilu yeenu mu nde.

Mukaanda kuri bari Ngalatya 1:23

Ngo bo bunu bu bayukiri ti: «Wunde waba kwetukwamisaana mu ntaangu yayikulu, mu lumalu weki kweyikisa kanyi di kaba kwebamisaana haba tete.»

Mukaanda kuri bari Efeso 2:19

Mu didyo, beenu lusii banzeense, na minzakikiri ko, kasi lweki bangaa-nsi kintwaari na bangisi, baatu bari mu kaanda dya Nzaambi.

Mukaanda kuri bari Efeso 3:15

kuri nde, mpisi kaanda ku mayulu na ha butoto, diri dyataambula nkuumbu.

Mukaanda kuri bari Efeso 4:28

Ngaa-kwiibi ya kabweese kuyiba ko, ngo kamono mpasi mu kusala bunu buyelemini, mu myooko mya nde-meene, mpisi heki kabaka kya kuha kuri wunde wuri na nzala kubaka.

Mukaanda kuri bari Efeso 5:16

bayaari kubakila ndaandu mu ntaangu yimayi, bukuri biluumbu biri byabibi.

Mukaanda kuri bari Filipo 4:10

Me nyamwiini kiminu kyalaka mu Mfumu, bu lwabweesiri kutsimina me lolo di. Lwaba kwaandi na kitsimi, ngo mpwaani yaba yo pe.

Mukaanda kuri bari Kolosayi 4:5

Dyaatilee mu madyeele ha busu bwa baatu ba ku mbasi; salilee ntaangu.

1 Tes 5:15

Taleenu yaa kuba muutu wubvutula bubi mu bubi ko, ngo namitineenu kweyirika mamabwete, ha kakati dya beenu na beenu na kuri bobanso.

1 Tes 5:21

ngo fyongokineenu myominso, lukebe myamibwete.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Tito 3:8

Maampu mamama mayelemene mu kusiila kanyi, na me ntiiri ti ye yirika kutswiikisa dyaambu didyo, mpisi heki bamwaasiila kanyi mu Nzaambi, batsimina na baheele mutima mu biyiriki byabibwete. Mimyo miri myamibwete na miri mufunu kuri baatu.

Mukaanda kuri Bahebeleho 13:16

Yaa ludzimikina nyirikulu mamabwe ko, na kwebakisina beenu na beenu, bukuri Nzaambi wumonaa kiminu mu bikabu bya bubwo.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

1 Pet 2:5

na beenu-meene se, bunu matari mamwooyo, beene batuunguma mu nzo ya kimpeeve, mu kuyirika kingaanga kyangisi, mu kuha bikabu byayoku byakimpeeve, byataambulu kuri Nzaambi mu Yesu Kiristo.

1 Pet 4:17

Bukuri kimaki ngo kilookolo kya kubaandika mutsuundu mu nzo ya Nzaambi. Ngo mbuti bandukiri mu beetu, lo buri bubeele nsukulu ya babo, babisa kusa kanyi mu Musamu Wamubwete wa Nzaambi?

1 Yow 5:1

Mpisi wunde wusa kanyi ti Yesu ngo Kiristo, lo nde wabutuka kuri Nzaambi, na mpisi wunde wutiiri mubuti, lo katya se wabutuka kuri nde.

3 Yow 1:10

Hango-nkuumbu, mbuti me nyiisiri, lo sa nyamubaambula mwooyo, mu biyiriki byaandi, bi kari mu kweyirika: nzoonsulu dzadzibi, dzabudzeke mu beetu; kiminu bu kiheriri kukuka mu mamo, nde wubisa kutaambula bampaangi; na batiiri kwaaku kwetaambula bampaangi, nde wukwebakabukisa na wubapalisa mu dibuundu.

3 Yow 1:11

Nduku ya mutima, yaa wesombosolo mamabi ko; ngo sombosolo mamabwe. Wunde wusalilaa mamabwe wuri wa Nzaambi, na wunde wusalilaa mamabi, lo kamwii Nzaambi ko.

3 Yow 1:3

Mukwongo, me nyankeembiri kwalaka, mu bampaangi bayisiri na mu kimbaangi ki bateeri mu ye mu ngwanwa, kuri ti ye wukwedyaatila mu ngwanwa.