Mukaanda kuri bari Ngalatya 6:1 - Musamu Wamubwete 2013

¹ Bampaangi, mbuti muutu bamutangusini wuyirika mamabi, lo beenu bakimpeeve suungukeenu wa bubwo, mu mpeeve ya bundeembu, ngo ye-meene se, sa madyeele mpisi hele kubwa mu nsindukulu.

Mukaanda kuri bari Ngalatya 6:1 ပူးပေါင်းရင်းမြစ်များ

Musamu wamubwete watina Matayi 11:29

Lwaateenu kihaangu kyaami, na yiikeenu kuri me, bukuri me nyiri na bundeembu na nyakuluka mu mutima, beenu sa lwabaka mpuumunu ya miheebulu myeenu.

Musamu wamubwete watina Matayi 26:69

Petelo waba wadzakala kunsa mbasi. Kisari kimosi kya mukyeetu wakokosolo kuri nde, na waleele ti: «Ye se bee kintwaari na Yesu, wa ku Ngalili.»

Musamu wamubwete watina Matayi 26:75

Petelo wabaambuka mwooyo mu musamu waba muleele Yesu ti: «Tekesele mulumi nsusu kakookolo, ye sa tuna me mbala tatu.» Na bu kapala ku mbasi, wadila mu ngebe.

Musamu wamubwete watina Matayi 9:13

Yendeenu luyika dyaambu dimadi: "Mutima wangebe me ntiiri, nkani ka nzusulu bibulu mu bikabu ko." Bukuri, me nyahele kwiisa mu kuteele basuunguma, ngo bangaa-masumu.»

Mukaanda kuri bari Loma 14:1

Taambulee wunde wuri na bubolo mu kanyi, kwahele kusaana ma kakweleele.

Mukaanda kuri bari Loma 15:1

Beetuneenu turi na makwa, tuyelemini kukuunda bubolo bwa babo bahele na makwa, na kuhele kweyirika mabweeye kuni kuri beetu-meene.

Mukaanda kuri bari Loma 8:6

Ndyaatulu ya muswinyi yinataa ku lufwa, ngo kasi ndyaatulu ya Mpeeve yinataa ku bumwooyo na ku kiyeengi.

1 Kol 10:12

Mu didyo, wunde wutsima ti wateleme, kasa madyeele kahele kubwa.

1 Kol 14:37

Mbuti muutu wutsima ti nde mubikiri, bunu pe wa kimpeeve, lo kayaaba ti, ma nyiri mu kutinini beenu mamama, lutumu lwa Mfumu luri.

1 Kol 2:15

Muutu wa kimpeeve wutsuundisa myominso, ngo nde-meene kuri muutu wumutsuundisa ko.

1 Kol 3:1

Me ngo wuri, bampaangi, me nyasii bangusina kuludzoonsolo bunu ti kuri baatu bakimpeeve ko, ngo bunu ti kuri baatu ba muswinyi, bunu ti kuri mwaa-baala bansoombo mu Kiristo.

1 Kol 4:21

Ngo beenu nki lutiiri? Kuri ti me nyiisa kuri beenu na lukwaasulu, hoti na ntiilu, na mpeeve ya bumpoombo.

1 Kol 7:5

Wuni yaa kabisa wakaka ko, mbuti ka kuri luyukusini mu mwaa-ntaangu, mpisi lukoto mu lusaambulu; tumi lubweese kubvutukila kuba ha kimosi, mu kubata ti Satana kakwiisa kulusindukila, bu luheriri kuba na nkebulu-nyutu.

2 Kol 10:1

Me Pawulo, nyilusyaamisa me-meene mu bundeembu, na mu mutima-bubwete wa Kiristo. Bakweleele ti, me nyiri na nsoni habaanaa nyiri ha kakati dya beenu, ngo kasi nyakasuka habaanaa nyiri la na beenu;

2 Kol 2:7

Beenu ngo bari, siilee wa bubwo mpemisi, na muboondeenu mpisi kahele kudyaama kunsa ngebe dzibvuriri bunene.

2 Kol 2:8

Hango-nkuumbu, me nyilusyaamisa mu kusoongo kimbaangi kya ntiilu yeenu mu nde.

Mukaanda kuri bari Ngalatya 5:23

bundeembu, nkebulu-nyutu. Mangisi mahele kitaatu na mya bubwo.

Mukaanda kuri bari Ngalatya 6:18

Bampaangi, bweese bwa Mfumu yeetu Yesu Kiristo buba na kiluunsi kya beenu! Amene.

1 Tes 4:1

Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.

2 Tes 3:15

Ya lumuhololo bunu mutaatu ko, ngo museembeenu bunu mpaangi.

2 Tim 2:25

Nde yelemini kuyikisa bari na muhaawu, mu bundeembu kuri ti kampe Nzaambi wubaheeri nyiingulu madyeele, mu kuyaaba ngwanwa,

Mukaanda kuri Bahebeleho 12:13

Suungukee manzila ma lukwedyaatila mu miilu myeenu, mpisi heki mubeeru kuulu kahele kusuumbuka ngo katsiinika.

Mukaanda kuri Bahebeleho 13:3

Tsiminee bari mu boroko, bunu ti beenu se luri kintwaari na bo mu boroko, tsiminee babo ba bakwekwaamisa, bunu ti beenu se luri nyutu mosi na bo.

Mukaanda wa Yakobo 3:13

Nani mu beenu wuri ngaa-madyeele na wayika? Kasoongo dyo mu ndyaatulu yayibwete, na mu biyiriki byaandi bya kidzuunu na bya madyeele.

Mukaanda wa Yakobo 3:2

Mukwongo, beetu-banso turi mu kwebwa kwalaka. Mbuti muutu wahele kubwa mu nzoonsulu, lo wunde muutu wakuka, wubangisina kutwaalisa nyutu yaandi yoyinso.

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,

1 Yow 5:16

Mbuti muutu wumono mpaangi yaandi, wuyirika masumu mahele kunata ku lufwa, lo kaloombo, na Nzaambi sa kaha kidziingu kuri mpaangi yiyo, kuri babo bayirikaa masumu mahele kunata ku lufwa. Kuri sumu dinataa ku lufwa; ngo kari mu didyo ko me nyituma ti kasaambila.