Mukaanda kuri bari Ngalatya 5:5 - Musamu Wamubwete 2013

⁵ Mukwongo, mu Mpeeve, beetu turi mu kwekiingila nsungumunu yi turi twasiila nsiitu mu kanyi.

Mukaanda kuri bari Ngalatya 5:5 ပူးပေါင်းရင်းမြစ်များ

Mukaanda kuri bari Loma 5:21

mpisi heki, bunu bwaba masumu kuri mari na lutumu mu lufwa, bunubwo se bweese buri na lutumu mu nsungumunu, mu kuha kidziingu kyahele manunu, mu Yesu Kiristo, Mfumu yeetu.

1 Kol 1:7

kuri lo beenu luri ti na kikabu kimosi ki luri kyo pe ko, buluri mu kwekiingila monokunu ya Mfumu yeetu Yesu Kiristo.

Mukaanda kuri bari Efeso 2:18

Bukuri mu nde, beetu turi na miswa, bamosi na bakaka, mu Mpeeve yomosi, mu kuba hari Taata.

Mukaanda kuri bari Filipo 3:9

na bamwiinina me mu nde, kuri nyahele na nsungumunu ya me-meene, yiri kubakila kari mu mangisi ko, ngo yiri kubakila mu kanyi mu Kiristo, yifumunaa kuri Nzaambi, yatuunguma ha yulu kanyi.

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

2 Tes 3:5

Hemese Mfumu kutwaalisa mitima myeenu mu ntiilu ya Nzaambi, na mu kifiki kya Kiristo.

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.