Mukaanda kuri bari Ngalatya 5:11 - Musamu Wamubwete 2013

¹¹ Me ngo wuri, bampaangi, mbuti me nyakiri mu kweyikisa nteendulu bubakala, lo mu nkya ntoono bari mu kubweese kwenkwaamisa? Haho ngo hari lo, musamu kuruwa wahele kubweese kubumisa baatu makya.

Mukaanda kuri bari Ngalatya 5:11 ပူးပေါင်းရင်းမြစ်များ

Biyiriki bya Bantumu 16:3

Pawulo waba tiiri kweende na nde. Bu kamuholo, wa muteende bubakala, mu ntoono Bayudayo baba mu loondolo didyo; bukuri bobanso baba bayaari ti taayi dya nde Muhelene kaba.

Biyiriki bya Bantumu 21:21

Ngo bo bari mu kweyuka mu ntoono ya ye ti: ye wukweyikisa kuri Bayudayo bari ha kakati dya makaanda ti yaa bateende baala bubakala ko, na yaa benama bifu bya Bayudayo ko.

Biyiriki bya Bantumu 21:28

Bo babeke kubikisa ti: "Babakala ba Isaheli, wasee lutubakisa! Muutu wumawu wukweha nyikusulu kuri bobanso na mwomunso, dzahele bubwe mu kaanda, mu mangisi na mu kibeendu ki; ha yulu haho se nde mwaakotoso Bahelene mu Nzo-nzaambi, na mwaasumuna kibeendu kyangisi ki.

1 Kol 1:18

Mukwongo, maampu ma kuruwa bubwo bulawuku, kuri baatu bari mu kudziimbila; kasi mu beetu turi babvuukusu lo dzidzo mpinu dza Nzaambi.

1 Kol 1:23

Ngo kasi beetu, turi mu kweyaabisa Kiristo wakomono ha yulu kuruwa, Bayudayo babumina makya mu musamu wunde, na bangooyi bamono ti bulawuku,

1 Kol 15:30

Na beetu-meene se, mu nkya ntoono tukookotaa mu nsisi mpisi ntaangu?

Mukaanda kuri bari Ngalatya 2:3

Tito, Muhelene waba na me, basii kumukwiikisa kuteende bubakala ko.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Mukaanda kuri bari Ngalatya 4:29

Ngo bunu buri mu ntaangu yayikulu, wabutuka mu muswinyi, wakwaamisini wabutuka mu mpeeve, bunubwo se buri mu lumalu.

Mukaanda kuri bari Ngalatya 6:12

Bobanso bari na nzala-kubila mu muswinyi, batiiri kulukwiikisa kuteende bubakala, mpisi heki bahele kuba bakwaamusu mu ntoono ya kuruwa dya Kiristo.

Mukaanda kuri bari Ngalatya 6:17

Mu misiiri ngo miri, muutu yaa kansiila nduungusu ko, mukwongo, me nyiri na bidziminu bya Yesu mu nyutu yaami.