Mukaanda kuri bari Ngalatya 5:10 - Musamu Wamubwete 2013

¹⁰ Me nyiri na nsiitu mu Mfumu mu ntoono beenu, ti beenu ka luba na bitsimi bikimi ko. Wunde wukotoso kisaangila ha kakati dya beenu, sa kabwilikila maseembu, bwooso kabeele.

Mukaanda kuri bari Ngalatya 5:10 ပူးပေါင်းရင်းမြစ်များ

Biyiriki bya Bantumu 15:24

Bu twayukiri ti babamosi mu beetu bu bayisiri kuri beenu, kuri twahele kubaha ntumunu, balubamisini mu miheebulu,

1 Kol 5:5

yekeleenu muutu wa bubwo kuri Satana, mpisi muswinyi kaba wafuukusu, na kiluunsi kiba kyabvuukusu mu kiluumbu kya Mfumu.

2 Kol 1:15

Mu nsiitu dzidzo, me nyabee nyatya kutekesele kwiisa kuri beenu, mpisi heki lutaambula bweese mu lwadzoolo.

2 Kol 10:2

me nyisaambila mu kuri ti, mpele kuba nyakasuka ha nyikwiisa kuri beenu, mu kitsimi kya kusoongo ti nyakasuka, ha busu bwa bakweleele ti, beetu tukwedyaatila mu kimuutu.

2 Kol 10:6

na tuba twayirima mu kuseembe babo bahele kutumuma, mu ntaangu yiri beenu-banso lumwaamana kutumuma.

2 Kol 13:10

Hango-nkuumbu, bu nyiri la na beenu me nyilutinina misamu mimyo, mpisi heki ha nyiba ha busu bwa beenu, me mpele kusalila kibakala, bunu buri lutumu lwa mpa Mfumu, mu kutuunga nkani ka mu kutsyaamuna ko.

2 Kol 2:3

Me nyatinini mimyo, mu kubata kuri ti babo baketi kuha me kiminu, bankotoso mu ngebe mu ntaangu yi nyikwiisa. Me nyirikiri kuyaaba ti, kiminu kya me, kya beenu-banso se.

2 Kol 2:6

Muutu wa bubwo wayelemene kutaambula biŋaŋunu kuri baatu balaka.

2 Kol 5:16

Hango-nkuumbu, kubandika lumalu beetu twahele kuyaaba muutu mu muswinyi; na mbuti twayaaba Kiristo mu muswinyi, lo mu lumalu twahele bweese kumuyaabila bubwo.

2 Kol 7:16

Me nyimono kiminu, bu nyiri na nsiitu mu beenu mu myominso.

2 Kol 8:22

Beetu twaheekiri mpaangi yeetu mu kweyende na bo, mu mantaangu malaka, beetu twamutsitsiri, mu kumono buri kuheme kyaandi, ngo mu lumalu kuheme kwaandi kweki kwabvulila mu ntoono nsiitu dzalaka dzikari na dzo mu beenu.

Mukaanda kuri bari Ngalatya 1:7

Mukwongo, kuri Musamu mukimi ko, mbuti ka bangaa-kisaangila ko, batiiri kukitula Musamu Wamubwete wa Kiristo.

Mukaanda kuri bari Ngalatya 2:4

Kwaba kwaandi na bampaangi bampya, ba mumpitu, bayolimiki ha kakati dya beetu mu kwetukete kunsa bunsaalisi bweetu, bu turi na bwo mu Kiristo Yesu, mpisi heki batusa bankutu,

Mukaanda kuri bari Ngalatya 2:6

Kwaba se baatu ba lukiinsu, ngo me nyasii mono byasobokono mu bo ko; Nzaambi ka koomonaa buri muutu ko. Kuri me, bakuutu ba kibvumi babo basii nkwiikisa ntoono ti mosi ko.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Mukaanda kuri bari Ngalatya 4:11

Ngo me nyiri na boomo mu ntoono beenu, ti mpasi dzi nyiri nyamono mu beenu, dzikwiisa kuba kwaandi dzabuunu.

Mukaanda kuri bari Ngalatya 4:17

Bo bari na kuheme mu beenu, ngo kari mu kusaka bubwe bwa beenu ko. Bo batiiri kulutatula na me, mpisi heki beenu luba na kuheme mu bo.

Mukaanda kuri bari Ngalatya 4:20

Me mbee ntiiri kwaandi kuba na beenu lumalu, na kuyiinga nzoonsulu yaami, bukuri me nyidunga mu ntoono beenu.

Mukaanda kuri bari Ngalatya 5:12

Hemese babo bakwekotoso kisaangila ha kakati dya beenu, bahokolo manyutu bo-meene.

Mukaanda kuri bari Ngalatya 5:7

Beenu lwaba kwedzumuna kwakubwe; ngo na walukabukisi mu kuhele kutumuma kuri ngwanwa?

Mukaanda kuri bari Ngalatya 6:17

Mu misiiri ngo miri, muutu yaa kansiila nduungusu ko, mukwongo, me nyiri na bidziminu bya Yesu mu nyutu yaami.

Mukaanda kuri bari Filipo 3:15

Ngo beetu-banso bu turi baatu bayirima, tubeenee na mbeelu ya bubwo; na mbuti luri mu kiteesu kya mbeelu yikimi, lo Nzaambi sa kaluyaabisa dyo.

2 Tes 3:4

Beetu turi na kanyi mu Mfumu mu ntoono beenu, bukuri mamo ma turi mu kulutumaa, beenu luri mu kumayirakaa, na sa lwanamitina kumayirika.

1 Tim 1:20

Mu bo, kuri Imenayo na Alekandere, ba nyiri nyayekele kuri Satana, mpisi baba baseembu na bahele kubweese kwesaana Nzaambi.

Film 1:21

Mu nsiitu mu bintambukulu bya ye, me nyikutinini bu nyaari ti, sa yirika mabvuriri kiteesu ti na ma nyikuleeriri.