Mukaanda kuri bari Ngalatya 4:6 - Musamu Wamubwete 2013

⁶ Ngo bukuri beenu luri baala, Nzaambi waheeke Mpeeve ya Mwaana waandi, munsa mitima myeetu, yiri mu kubikisa ti: «Aba, ho Taata!»

Mukaanda kuri bari Ngalatya 4:6 ပူးပေါင်းရင်းမြစ်များ

Musamu wamubwete watina Malako 14:36

Nde waleele ti: «Aba, Taata, ye wakuka mu myominso; tatula mbasi yimayi la na me; kasi kari bu ntiiri me ko, ngo bu tiiri ye.»

Musamu wamubwete watina Luka 11:13

Ngo habaanaa beenu, luri na mutima-bubi, luyaari kuha bitotolo byabibwe kuri baala beenu, lo dyaburi Taayi dya ku yulu kahele bvula kuha Mpeeve Yangisi kuri babo bamuloombo?»

Musamu wamubwete watina Luka 11:2

Nde wabaleele ti: «Habaanaa lusaambila, lo luleelaa ti: "Taata, hemese nkuumbu yaaku yiduma; hemese kimfumu kyaaku kiisa.

Musamu wamubwete watina Yowane 14:16

na me sa nyingukila Taata, mu kuluha muboondi wakaka, mpisi heki kaba na beenu kwakinkulu.

Musamu wamubwete watina Yowane 15:26

«Mbasi-tsuku, dikwiisa Mukakiri wuri ku Taata, Mpeeve Yangwanwa yifumuna kuri Taata, wunyiluheeke me, nde sa kateele me kimbaangi,

Musamu wamubwete watina Yowane 16:7

Ngo me nyiluleele ngwanwa; kuri ndaandu kuri beenu ti me nyeende. Bukuri, mbuti me nyahele kweende, lo Mukariri kakwiisa kuri beenu ko. Ngo mbuti me nyeensi, lo me sa nyamuheeke kuri beenu.

Musamu wamubwete watina Yowane 3:34

Mukwongo, wunde wuri Nzaambi wamuheeke, wuleelaa Maampu ma Nzaambi, bukuri Nzaambi wamuha Mpeeve kwahele bwa kuteesele.

Musamu wamubwete watina Yowane 7:39

Nde waleele mamo mu ntoono Mpeeve, yiri babo basiila kanyi mu nde sa bayitaambula. Mukwongo, Mpeeve yaba yakiri yo pe, bukuri Yesu waba wakiri wahele kuba wakeembusu.

Biyiriki bya Bantumu 16:7

Bu batubuka bebele na Misya, bo basaka kukoto ku Bitinya ngo kasi Mpeeve Yesu ya bisiri kubaha miswa.

Mukaanda kuri bari Loma 5:5

Nsiitu dzadzusaa muutu nsoni ko, bukuri kuri Mpeeve Yangisi yibari batuha, yatsaamuna ntiilu ya Nzaambi mu mitima myeetu.

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

1 Kol 15:45

Hango-nkuumbu, diri dyatinu: «Muutu watete, Adami, waba muutu wamwooyo»; ngo Adami dyansukulu, mpeeve yihaanaa bumwooyo.

2 Kol 1:22

nde se watusa kinyemu kyaandi, na wasuusa bidiimbu bya Mpeeve munsa mitima myeetu.

2 Kol 3:17

Mfumu ngo Mpeeve, haho hari Mpeeve ya Mfumu, haho se hari bunsaalisi.

Mukaanda kuri bari Efeso 1:13

Mu nde, beenu luri lwayuka maampu ma ngwanwa, Musamu Wamubwete wa mvuukulu yeenu. Mu nde se, bu lwasiiriri kanyi, balusiiri kidiimbu mu Mpeeve Yangisi ya lusiilulu.

Mukaanda kuri bari Efeso 2:18

Bukuri mu nde, beetu turi na miswa, bamosi na bakaka, mu Mpeeve yomosi, mu kuba hari Taata.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Mukaanda kuri bari Filipo 1:19

bukuri me nyaari ti mimyo sa myatwaala mvuukulu kuri me, mu ntoono lusaambulu lwa beenu na lubakusu lwa Mpeeve ya Yesu Kiristo.

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

1 Pet 1:11

Bo bafyongokono mu kuyaaba, mu nkya ntaangu bunu pe mu nkya kiteesu, misamu myatekisiri kubayaabisa Mpeeve ya Kiristo miyirima. Misamu mimyo mitariri mpasi dza Kiristo, na munkeembu wukwiisa ha mambisa.

Mukaanda Yuda 1:20

Ngo beenu, banduku ba mutima, tuungumeenu beenu-mee ha yulu kanyi dyeenu dyangisi na ngisi, na saambileenu mu Mpeeve Yangisi.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.