Mukaanda kuri bari Ngalatya 4:14 - Musamu Wamubwete 2013

¹⁴ Mu ntoono nyutu me, beenu lwakoto mu mpasi, ngo lwasii nyaafuna me na kundobokolo mante ko, kasi beenu, lwantaambula bunu Mbasi Nzaambi, bunu Kiristo Yesu.

Mukaanda kuri bari Ngalatya 4:14 ပူးပေါင်းရင်းမြစ်များ

Musamu wamubwete watina Matayi 10:40

«Mpisi wunde wutaambula beenu, lo me kataamburi; na wunde wutaambula me, lo wunde wampeeke kataamburi.

Musamu wamubwete watina Matayi 18:5

Na wunde wutaambula ti mosi mu mwaa-baala bari bunu wu, mu nkuumbu yaami, lo me kataamburi.»

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Musamu wamubwete watina Luka 10:16

«Wunde wuluywiila, lo me kaywiiriri; na wunde wulunyaafuna, lo me kanyaafuni; ngo wunde wunyaafuna me, lo waheeke me kanyaafuni.»

Musamu wamubwete watina Yowane 13:20

Mu ngwanwa mu ngwanwa, me nyiluleele, wunde wutaambula wu nyiheeke me, lo me kataambula se, na wunde wutaamburi me, lo wunde wampeeke kataamburi.»

1 Kol 1:28

Bitotolo bya hele mufunu na bya nyaafunu ha nsi, bya hele kuyirima, Nzaambi wabisoolo mu kuri ti katsyaamuna bibyo byayirima,

1 Kol 4:10

Beetu turi bilawuku mu ntoono Kiristo, kasi beenu luri bangaa-madyeele mu Kiristo; beetu turi na buyonsi, kasi beenu luri na makwa; beenu luri bakeembusu kasi beetu turi banyaafunu.

2 Kol 5:20

Beetuneenu ngo turi bamonikisi ba Kiristo, buni ti Nzaambi wuri mu kulusyaamisa mu beetu; beetu tuluyiingikila mu nkuumbu ya Kiristo, taambulee kubweese kuyukusuna na Nzaambi.

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

Mukaanda kuri bari Ngalatya 3:28

Kwa saala Muyudayo ko, Muhelene ko, nkutu ko, muutu wuri na bunsaalisi ko, kwahele bakala, kwahele mukyeetu, bukuri beenu-banso luri mosi mu Kiristo Yesu.

Mukaanda kuri bari Ngalatya 4:13

Beenu luyaari ti, me nyaluyaabisiri Musamu Wamubwete, mu lwatete, kuri lo nyabeele mu muswinyi.

Mukaanda kuri bari Ngalatya 4:15

Hango lwambwe lwa beenu hari luri? Mukwongo, me lo nyiluteeriri kimbaangi ti, mbuti bwakuka, nkani haba beenu lwaketi kuhokolo miisu myeenu na kumpa myo.

1 Tes 2:13

Hango-nkuumbu, beetu tubvutulaana matoondo kuri Nzaambi mpisi ntaangu, bukuri maampu ma Nzaambi ma luri lwayuka kuri beetu, beenu lwamataamburi, kari bunu maampu ma baatu ko, ngo bunu bu mari maampu ma Nzaambi ma ngwanwa, ma kwesala mu beenu basiilaana kanyi.

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

Mukaanda kuri Bahebeleho 13:2

Yaa ludzimikina ntambukulu banzeense ko, bukuri mu yo, baatu babamosi bataamburi bambasi kwahele kuyaaba.