Mukaanda kuri bari Ngalatya 3:28 - Musamu Wamubwete 2013

²⁸ Kwa saala Muyudayo ko, Muhelene ko, nkutu ko, muutu wuri na bunsaalisi ko, kwahele bakala, kwahele mukyeetu, bukuri beenu-banso luri mosi mu Kiristo Yesu.

Mukaanda kuri bari Ngalatya 3:28 ပူးပေါင်းရင်းမြစ်များ

Musamu wamubwete watina Yowane 10:16

Me nyiri na bimeeme bikimi biri byahele mu lupaangu lumalu. Bibyo se me nyelemini kubitwaala, sa byayuka mbeembu yaami, byobinso sa byaba mpuumbu mosi na mutari se mosi.

Musamu wamubwete watina Yowane 11:52

kari munu mu ntoono kaanda ko, ngo se mu ntoono baala ba Nzaambi batsamukina, na se kabakutukisa mu kintwaari kimosi.

Musamu wamubwete watina Yowane 17:11

Me nyahele bweese kuba mu nsi, ngo bo bari mu nsi, na me nyiri mu kwiisa kuri ye. Taata dyangisi, kebe bo mu mpinu dza nkuumbu yaaku, yi wuri wampa, mpisi baba mosi, bunu beetu na ye turi mosi.

Mukaanda kuri bari Loma 1:16

Mukwongo, me nyahele na nsoni mu Musamu Wamubwete, bukuri nde ngo mpinu dza Nzaambi, mu mvuukulu ya mpisi wunde wusiila kanyi, ha tete kuri Bayudayo tumi kuri Bahelene.

Mukaanda kuri bari Loma 3:22

Nzaambi wuluulukisa bobanso, mu kanyi mu Yesu Kiristo. Mukwongo, kwahele nsobokoso,

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Mukaanda kuri bari Loma 9:24

Beetuneenu turi, babo ba kari kateele mbila, kari hani ha kakati dya Bayudayo kitsu ko, ngo se na ha kakati dya makaanda.

1 Kol 7:14

Bukuri mulumi wa mungooyi wataambula bungisi mu mukasi, na mukasi wa mungooyi wataambula bungisi mu mpaangi; mbuti ka bubwo ko, lo baala beenu basumuka, ngo kasi mu lumalu bo bari bangisi.

1 Kol 7:19

Nteendulu bubakala yiri kitotolo ko, na kuhele kuteende bubakala kiri kitotolo ko, ngo biri mufunu kubvumina mangisi ma Nzaambi.

Mukaanda kuri bari Ngalatya 3:14

Mu bubwo, mu Kiristo Yesu, lusakumunu lwa Abalaami luri lwatubuka natee kuri bahele kuba Bayudayo, mpisi heki tutaambuleenu Mpeeve yi bari batusa lusiilulu mu kanyi.

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

Mukaanda kuri bari Ngalatya 4:14

Mu ntoono nyutu me, beenu lwakoto mu mpasi, ngo lwasii nyaafuna me na kundobokolo mante ko, kasi beenu, lwantaambula bunu Mbasi Nzaambi, bunu Kiristo Yesu.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Efeso 1:1

Me Pawulo, ntumu Yesu Kiristo, mu kutya kwa Nzaambi, kuri bangisi bari ku Efeso, na kuri bakwiikama mu Kiristo Yesu,

Mukaanda kuri bari Efeso 4:4

Nyutu mosi yiri, na Mpeeve se mosi, bunubwo se bari baluteele mu nsiitu mosi, ya mbila yeenu.

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

Mukaanda kuri bari Kolosayi 1:4

Beetu twayukiri badzoonsolo mu kanyi di luri na dyo mu Kiristo Yesu, na mu ntiilu yi luri na yo mu bangisi bobanso,

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.

1 Tim 1:12

Me nyibvutula matoondo kuri wunde wampa makwa, Yesu Kiristo, Mfumu yeetu, bukuri nde wamwiini ti me nyayelemene mu kunsuusa mu kisalu.

2 Tim 1:1

Me Pawulo, ntumu Kiristo Yesu, mu kutya kwa Nzaambi, bunu buri lusiilulu lwa kidziingu kya mu Kiristo Yesu,