Mukaanda kuri bari Ngalatya 3:16 - Musamu Wamubwete 2013

¹⁶ Nsiilulu basii dzo kuri Abalaami na kuri wapalila mu nde. Bahele kuleele ti: «kuri bapalila mu nde», bunu ti kuri baatu balaka, ngo kuri muutu mosi, «na kuri wapalila mu ye», ngo Kiristo.

Mukaanda kuri bari Ngalatya 3:16 ပူးပေါင်းရင်းမြစ်များ

Musamu wamubwete watina Matayi 1:1

Mukaanda kinkaaka kya Yesu Kiristo, mwaana Davidi, mwaana Abalaami.

Musamu wamubwete watina Luka 1:55

Bunu bu kabaleele kuri bataayi beetu, mu ntoono Abalaami na kaanda dyaandi kwakinkulu.»

Biyiriki bya Bantumu 3:25

Beenu luri baala ba babikiri, na ba lulelusunu lwasiiri Nzaambi na bataayi beenu, ha kabaleele kuri Abalaami ti: "Mu babutuka mu ye, makaanda momanso ma ha butoto, sa maba masakumunu."

Mukaanda kuri bari Loma 12:5

bunubwo se, beetuneenu turi balaka, ngo turi nyutu mosi mu Kiristo, na mpisi muutu wuri kinamu mu nyutu mbaasi.

Mukaanda kuri bari Loma 4:13

Mukwongo, kari mu nzila ya mangisi ko, ngo mu nzila ya ndulukulu mu kanyi, bari basa lusiilulu kuri Abalaami, bunu pe kuri bapalila mu nde, mu kuba mukondiri saala dya nsi.

Mukaanda kuri bari Loma 4:16

Hango-nkuumbu, saala kubakila mu nzila ya kanyi, mpisi heki mu bweese lusiilulu luba lwatswiikama kuri bobanso bapalila mu Abalaami, kari bani bapalila mu mangisi ko, ngo bapalila se mu kanyi dyaandi. Nde wuri taayi dya beetu-banso,

Mukaanda kuri bari Loma 9:4

bapalila mu Isaheli. Kuri bo, bari baha kiteesu kya kuba baala ba Nzaambi, nkeembu, ndelusunu, kikabu kya mangisi, kisalu kya lusaambulu, nsiilulu.

1 Kol 12:12

Mukwongo, bunu buri nyutu yiri mosi ngo binamu byalaka, na bunu buri binamu bya nyutu biri byalaka ngo mu nyutu mosi, bunubwo se buri mu Kiristo.

1 Kol 12:27

Beenu luri nyutu Kiristo, na mpisi muutu kinamu kya nyutu.

2 Kol 11:22

Bo Bahebeleho bari? Me se. Bahisaheli bari? Me se. Basundukila mu Abalaami bari? Me se.

Mukaanda kuri bari Ngalatya 3:19

Ngo Mangisi ma nki kwaandi? Mo mari mu kubweeseme mu kuri ti lumvuki lumonokono, natee kukwiisa kiseendu ki basiiriri lusiilulu. Bambasi bayaabisa Mangisi mamo mu kooko kwa munkabu-kati.

Mukaanda kuri bari Ngalatya 3:8

Matinu bu matekisiri kuyaaba, ti Nzaambi wululukisaana bahele kuba Bayudayo mu kanyi, matekisiri se kuyaabisa Musamu Wamubwete wumawu kuri Abalaami ti: «mu ye makaanda momanso sa maba masakumunu.»

Mukaanda kuri bari Efeso 5:32

Mpaanu dzimadzi dziri dzadzinene; na me bu nyiri mu kuleele ti, mimyo mitariri Kiristo na dibuundu.

Mukaanda kuri bari Kolosayi 2:19

Bo bahele kukaangama na mutu, bwakaangama nyutu yoyinso, mu biyikulu na misiinga mya nyutu, kuri nyutu yikwebuuka mu mbuukulu yifumunaa kuri Nzaambi.

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.