Mukaanda kuri bari Ngalatya 3:10 - Musamu Wamubwete 2013

¹⁰ Bobanso bari mwooyo mu biyiriki bya Mangisi, bari kunsa mpopi; bukuri dyatinu ti: «Mpisi wunde wahele kukwiikama, mu kukukisa momanso matinu mu mukaanda Mangisi, lo kaba kunsa mpopi.»

Mukaanda kuri bari Ngalatya 3:10 ပူးပေါင်းရင်းမြစ်များ

Musamu wamubwete watina Matayi 25:41

«Haho mbyaasi sa kaleele kuri bari ku lumoso ti: "Tatukeenu la na me, beenu ba bari babulila mpopi, yendeenu ku mbaawu yahele manunu, yibari bayirikila mu ntoono dyabulu na bambasi baandi.

Mukaanda kuri bari Loma 4:15

Mukwongo, mangisi mabutaa nkesi; haho hahele mangisi, lo halele se kusinina kwa mo.

Mukaanda kuri bari Loma 6:23

Mukwongo, mufutu masumu ngo lufwa; ngo kasi kikabu kya mungengi kya Nzaambi, ngo kidziingu kyahele manunu, mu Kiristo Yesu Mfumu yeetu.

Mukaanda kuri bari Loma 8:7

Hango-nkuumbu, ndyaatulu ya muswinyi yiri kitaatu na Nzaambi, yahele kutumuma mu mangisi ma Nzaambi, na ka yitsiitsa kubangisina ko.

2 Kol 3:7

Ngo mbuti kisalu kya lufwa, kyatinu mu bisoni ha yulu malweende kyabakiri nkeembu, yiri baala ba Isaheli baba bahele kubangisina kusungumina kisoosi ku busu bwa Moose bwaba semaana, mu mwaa-ntaangu yantele,

Mukaanda kuri bari Ngalatya 2:16

Tuyaari se ti, muutu wahele kuba walulukusu mu biyiriki bya Mangisi, ngo mu kanyi mu Yesu Kiristo. Na beetu twasa kanyi mu Kiristo Yesu, mpisi heki tuba twalulukusu mu kanyi mu Kiristo, nkani ka mu biyiriki bya Mangisi ko, bukuri mu biyiriki bya Mangisi, lo kuri muutu ti mosi ko wuba walulukusu.