Mukaanda kuri bari Ngalatya 2:9 - Musamu Wamubwete 2013

⁹ Yakobo, Kefa na Yowane, bari kubahololo bunu makuunsi, bamanaa kubakula ti me bampeeri bweese, batuha mamboto, beetu na Barnaba mu kusoongo kidiimbu kya nyukusunu, mpisi heki beetu tweende kuri makaanda, na bo beende kuri bateende bubakala.

Mukaanda kuri bari Ngalatya 2:9 ပူးပေါင်းရင်းမြစ်များ

Musamu wamubwete watina Matayi 16:18

Na me ndeeriri ku wuri yeenu: Ye ngo Petelo, mbangukulu ti tari; na ha yulu tari didyo me sa nyatuunga dibuundu dyaami. Mpinu dza lufwa ka dzibvula makwa na dyo ko.

Musamu wamubwete watina Luka 22:8

Yesu waheeke Petelo na Yowane, wabaleele ti: «Yendeenu lwelutuyirikila Paaka mpisi tudidyeeneenu.»

Musamu wamubwete watina Yowane 1:42

Nde wamunata kuri Yesu. Yesu bu kamutala, waleele ti: «Ye ngo Simoni, mwaana Yowane, ye sa bakuteele mu nkuumbu ya Kefa» mbangukulu ti «Petelo».

Biyiriki bya Bantumu 12:17

Nde wabawurisa mu naangukunu kooko, nde wayaabisa [kuri bo], dyaburi Mfumu kamupalisiri mu boroko, na waleele ti: "Yaabisee kuri Yakobo na bampaangi mamama. Bu kapala, wayende ku kibeendu kikimi.

Biyiriki bya Bantumu 15:13

Ha mambisa ma kuhura kwa bo, Yakobo wabvutula, waleele ti: «Bampaangi baami, ywiilee me!

Biyiriki bya Bantumu 15:7

Nkalikisi dzadzinene dzabwa, Petelo wateleme, waleele: "Bampaangi baami, beenu luyaari ti, kuholosono mantaangu mamakulu, Nzaambi wasooriri me ha kakati dya beenu, mpisi heki bangooyi bayuka, mu munwa me, maampu ma Musamu Wamubwe na basa kanyi.

Biyiriki bya Bantumu 4:36

Yosefi, wubaluka Barnaba kuri bantumu, mambangukulu ti mwaana wa mboondulu, mosi mu kisari kya mu Nzo-nzaambi, wafuma ku Kiporo,

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 12:3

Mukwongo, me nyileele ti, mu bweese bu bari baha kuri me, kuri mpisi muutu mu beenu, mu kuhele kuba na ndyaatulu ya masiiku, yalutila kiteesu, ngo beenee na ndyaatulu ya madyeele, bunu buri kiteesu kya kanyi, dyaha Nzaambi kuri muutu-muutu.

Mukaanda kuri bari Loma 15:15

Me nyalutinini mu kibakala mwamumosi, mu nzala kulubaambula mwooyo, mu ntoono bweese bwa mpa Nzaambi,

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

2 Kol 11:5

Mukwongo, me nsimini ti nyahele kubvula buntele, na bantumu ba beenu babanene babo, mu ntoono ti mosi.

2 Kol 12:11

Me nyeki kilawuku bukuri beenu lwankwikisiri. Mukwongo me nyaketi kubaka ntumunu kuri beenu, bukuri me nyahele kubvula buntele, na bantumu ba beenu babanene babo, mu ntoono ti mosi, ti hayuku nyiri wabuunu.

2 Kol 8:4

Bo batuyingukiri kwalaka, kuri ti bo se babaka bweese bwa kuha lubakusu, mu kisalu kitariri bangisi.

Mukaanda kuri bari Ngalatya 1:16

mu kumonokoso Mwaana waandi kuri me, mpisi heki me nyimuyaabisa ha kakati dya makaanda; ha nsi na nsi, me nyasii loombo ndoongi kuri muutu ko.

Mukaanda kuri bari Ngalatya 1:18

Tumi, mibvu mitatu bu myaluta, me nyatoomboko ku Yerusalemi mu kuyaabisina na Kefa, na nyadzakala kuri nde biluumbu kuumi na bitaanu.

Mukaanda kuri bari Ngalatya 2:1

Ha mambisa ma kuumi na mina mya mibvu, me nyabweese kutoomboko ku Yerusalemi beetu na Barnaba, nyaholo se Tito.

Mukaanda kuri bari Ngalatya 2:2

Me nyatoomboko kukwo, bunu bwaba nyaabusulu, me nyabaangula kuri bo Musamu Wamubwete, wu nyiri mu kweyikisa ha kakati dya makaanda; nyabaangula se mu buwungu-buwungu kuri bakuutu ba kibvumi, mu kubata kuri ti kisalu ki nyiri mu kusala, bunu pe ki mwaamana kusala kikwiisa kuba kyamungengi.

Mukaanda kuri bari Ngalatya 6:3

Mukwongo mbuti muutu wutsima ti wuri mufunu, koomosoko wabuunu, lo nde wuwunukinaana.

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

1 Tim 3:15

mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

1 Yow 1:3

Mamo ma turi twamono, ma turi twayuka, tuyaabisa mo se kuri beenu, mpisi heki beenu se luba mu kintwaari na beetu. Ngo kintwaari kyeetu, kintwaari na Taata na Mwaana waandi Yesu Kiristo.

Nyabusulu ya Yowane 3:12

«Kuri wunde wuluuluka, me nsa nyamusa kuunsi dya mu Nzo ya Nzaambi yaami, na kabweese kupala ko, na me nsa ntina nkuumbu ya Nzaambi yaami ha yulu nde, na nkuumbu ya bvula dya Nzaambi yaami, Yerusalemi dyamoono, disunduka mu yulu, kuri Nzaambi yaami, na nkuumbu yaami yamoono.»