Mukaanda kuri bari Ngalatya 2:4 - Musamu Wamubwete 2013

⁴ Kwaba kwaandi na bampaangi bampya, ba mumpitu, bayolimiki ha kakati dya beetu mu kwetukete kunsa bunsaalisi bweetu, bu turi na bwo mu Kiristo Yesu, mpisi heki batusa bankutu,

Mukaanda kuri bari Ngalatya 2:4 ပူးပေါင်းရင်းမြစ်များ

Musamu wamubwete watina Luka 5:38

Ngo malu mamoono, kusekele mu bimpokoro byamoono.

Biyiriki bya Bantumu 15:1

Bamosi banangukini ku nsi ya Yudaya, bayikisa kuri bampaangi ti: «Mbuti beenu lwahele kuteende bubakala, bunu buri kifu kya Moose, lo beenu lubvuuka ko.»

Biyiriki bya Bantumu 15:24

Bu twayukiri ti babamosi mu beetu bu bayisiri kuri beenu, kuri twahele kubaha ntumunu, balubamisini mu miheebulu,

Biyiriki bya Bantumu 20:30

na munsa beenu se sa kwateleme baatu ba kwesa biwobiri, mu kunata bayiki ha mambisa ma bo.

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

2 Kol 11:13

Bukuri baatu babo ngo bantumu bampya, bisari byamawunu, bikweswemekene mu kifwaani kya bantumu ba Kiristo.

2 Kol 11:17

Ma nyiri mu kuleele, me nyahele kuleele mo bunu bu tiriri Mfumu, ngo bunu ti kunsa bulawuku, mu nsiitu yiyo ya kuba na kimweese.

2 Kol 11:20

Mukwongo, mbuti muutu wulusiiri bunkutu, mbuti muutu wuludiila manene, mbuti muutu horiri bi luri na byo, mbuti muutu wubilika mu beenu, na mbuti muutu wululeti ku busu, lo beenu lukuunda momanso mamo.

2 Kol 11:26

Me nyasa budyeengi bwa mu miilu mu ntaangu ngo ntaangu, nyakoto mu nsisi dza manyari, mu nsisi dza bangaa-bumfuna, mu nsisi dza ba turi kitsuumbu kimosi, mu nsisi dza makaanda, mu nsisi dza kunsa bvula, mu nsisi dza ku nsi yankatu, mu nsisi dza mu mubu, mu nsisi dza bampaangi bampya.

2 Kol 3:17

Mfumu ngo Mpeeve, haho hari Mpeeve ya Mfumu, haho se hari bunsaalisi.

Mukaanda kuri bari Ngalatya 1:7

Mukwongo, kuri Musamu mukimi ko, mbuti ka bangaa-kisaangila ko, batiiri kukitula Musamu Wamubwete wa Kiristo.

Mukaanda kuri bari Ngalatya 4:25

Angara mulaandu wa Sinayi mu nsi ya Arabya; nde wafwanikina na Yerusalemi dya lumalu, bukuri nde na baala baandi, bankutu bari.

Mukaanda kuri bari Ngalatya 4:3

Beetu se bwobumosi, bu twaba twakiri mwaa-baala, twaba kunsa bunkutu bwa misamu mya nsi.

Mukaanda kuri bari Ngalatya 5:1

Kiristo watukuula mpisi tuba na bunsaalisi. Ngo telemee na ngwii, na yaa lubweese kukoto mu kihaangu kya bunkutu ko.

Mukaanda kuri bari Ngalatya 5:10

Me nyiri na nsiitu mu Mfumu mu ntoono beenu, ti beenu ka luba na bitsimi bikimi ko. Wunde wukotoso kisaangila ha kakati dya beenu, sa kabwilikila maseembu, bwooso kabeele.

2 Tim 3:6

Bamosi mu bo bakwekoto mu manzo, na mu masiinga ma bo, bakwebangusina bakyeetu bahele kukiinsuma, bari na kilemu kya masumu, na bakwenama mantiilu ma bitsuumbu-bitsuumbu;

Mukaanda wa Yakobo 1:25

Ngo wunde, wuyekamaa na wusaa kikuundi mu mangisi makuka ma bunsaalisi, kwahele kuba muyuki wuri na bunzimbu, ngo wukukisaa biyiriki, lo nde sa kaba mu lwambwe kunsa kisalu kyaandi.

1 Pet 2:16

Beenee bunu baatu bari na bunsaalisi, na bunsaalisi bubwo, yaa buba bunu nsaanda mu kwefuka bubi ko; ngo beenee bunu bankutu ba Nzaambi.

2 Pet 2:19

Bo bakwetaasila baatu bunsaalisi, buni bo-meene bankutu ba bifu byabibi. Bukuri, mpisi muutu wuri nkutu kuri bibyo bi kari katumuma.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.